ولو

الشعب عايش عادي
ساكت هادي وحاله تمام
عجيب طيب كئيب وشايف حالة بكده كسبان
مش عريان بادين جلاد جابوه يحكمهم
اتاري الحاكم ظالم طاغي
ناسي الحب وعايش في قصره العالي بعيد وغريب
من عالم تاني
ولو الشعب خرسه حقيقة
يبقي يستاهل يبقي سكوته قطعه لقوته
السرقة فساد لكل عباد خرسانه
اسرق
احرق
اقطع
كل كلمة حق اتقالت
ادفن حرية ناس علي جثث اخواتهم بجزمهم داست
كان الرقص عليها بفرحه وهمه
وكفوفهم بدم اخواتهم متحنيه
اجلد يستاهل كل خسيس اجلد
ملعون ياسكوت علي حق يموت
وبلاد بضيع وقلب وديع
يصرخ والجلاد عامل حداد
علي جندي بلادي اللي بايده دبحه
قال قاتله ارهابي
لو الشعب يفوق وكفايه سكوت
مكنش جلاد القهر ده زاد
ولا قال يا بلاد مافيش الوان
الكره خلاص بقي لينا اساس
محروق يا قلبه المحروق
بسواد مكتوب ف كل كتاب
بين نقطه ونقطة مليون ترباس
علي اي اساس عايش يا سكوت
علي ناس بتموت
والقهر عشش جوه قلوب غلابة
الجوع عذبهم
والنار دي طريقهم
ولو ولو يا شعب تفوق