يا بلدنا يا بلد !!

" إيدى واحدة .. و انتِ إيدك برضه واحدة .. مدى إيدك ويّا إيدى .. إمسحى دمعة وليدى عايز أصرخ لك و عاجز .. أسمعِك أو تسمعينى .. نفسى أقول لِك ألف حاجة .. بس آه لو تفهمينى

يا بلدنا يا بلد .. هو من إمتى الولد بيخاف من أمه .. لمّا في الضلمة تضمّه .. "
كلمات كتبها صديقى الشاعر الجميل عماد حسن منذ حوالى 20 سنة ، وغناها - صديقنا - ايمان البحر درويش ..
لا أعرف لماذا استمع اليها الان كثيرا ، الغريب اننى وقت ان كتب عماد هذه الكلمات لم اكن اشعر بمعانيها كما اشعر بها الان .. فهل تغيرتُ انا ، ام تغيرت الظروف ؟!
على اية حال انا فعلا اشعر بالخوف ،
اشعر بالخوف كلما سقط مصرى بسلاح مصرى .. اشعر بالخوف كلما تحول النهر الخالد الى بحر من الدم .. اشعر بالخوف وانا اشاهد التليفزيون المصرى.. خايف جوه بيتى .. خايف وانا ماشى فى الشارع .. خايف وانا فى مكتبى
..
" صدقينى خُفت منّك .. خُفت منّك صدقينى " !