بالفيديو .. توفيق عكاشة : محمود سعد جاهل و" تييييييت " !

واصل الإعلامي توفيق عكاشة شطحاته فى برنامجه " مصر اليوم " وتحدث بعصبية عن محمود سعد والذى سبق وهاجمه بسبب تجاوزاته مع الثوار .
هذه المرة العملية وسعت قوي من توفيق عكاشة.. بعد أن فاجأ الجمهور بوصف شخص ما – ومعه بالتبعية محمود سعد - بلفظ خارج لم نسمعه من قبل من أي إعلامي على الشاشة.. لذلك قررنا أن نضع مكان هذا اللفظ علي الفيديو (تيييييت)...
توفيق عكاشة قال ( احنا بالصلاة على النبي الجهل عمال يشر، والأفندي أبو 9 مليون جنيه في السنة يعيّشوا 900 ألف أسرة طالع يتمسخر ويتمهزأ عليا، مش مكسوف من نفسك يا جاهل، ياللي كنت بتورد ممثلات للأمراء العرب يا تلميذ فلان الفلاني اللي أخد حكم إنه (....).
ولكنه بدأ يأخذ باله مما ذكره أو نبهه أحد من الكنترول فبدأ يغير الموضوع وقال( الناس بتخرف والبلد بتروح في مصيبة، الحكم هو اللي خرج وقال إنه قواد ، أنا انفعلت أنا أسف بس الناس بتنسي نفسها وأصلها، وكل واحد عايز يعملي زعيم وكل واحد عايز يركب الثورة، واللي جاي من بلد تانية ويعمل زعيم واللي معاه الجنسية وكان بيشتغل جاسوس، الواحد هايتجنن وماعدش طايق نفسه، واللي جاي مربي شعره ضفيرة، المجلس العسكري في وضع يرثى له وعلى مشارف عملية مش مضمونة).
أما عن التعليقات التي جاءت على هذه الحلقة على اليوتيوب فكانت كلها تسخر من توفيق عكاشة مثل(تخيل بقي أنت كنت بتبوس إيد ال**** ده ... يبقي انت ايه بقي؟؟)، و(حد يجيب لعكوشه حباية برشام الراجل هيروح مننا يا رب يروح في مصيبه)، و(أنا مش صعبان علي غير عيالك والله)، و(يلعن أبو الفلوس اللى تخلى الأشكال دى تطلع علينا فى التلفزيون ولا النت).