مي عز الدين: أرفض الإساءة للرئيس .. احنا برضه عندنا أصل !

بمجرد أن انتهى خطاب الرئيس مبارك يوم 2 فبراير، كتبت مي عز الدين الرسالة التالية على صفحتها الرسمية على الفيس بوك:.
يا شباب و يا بنات ، كل اللي بجد بيحبني فيكم و بيثق فيه، باحلف له بأغلى حاجة عنده يدافع عن بلده ورئيسه اللي عشنا في حماه في أمان وبقالنا شخصية ورأي ، وأي حد فيكم يشوف أي حد بيسيء لرئيسنا بأي طريقة مايسيبوش، لأن حتى اللي بينادي بالتغيير لازم يقولوا باحترام للرئيس من غير ما يجرح فيه، احنا برضه عندنا اصل.
يارب احفظنا واحفظ مصر وعدينا من الأزمة على خير، قادر يا كريم.
مي أيضا قامت بإزالة صورتها من على الصفحة لتضع صورة للرئيس مع حفيدة، وتباينت الآراء على ماكتبته بعدما علق أكثر من 120 واحد من جمهورها على ما كتبته.
أغلب من علقوا اتفقوا مع مي فيما كتبته وأمنوا على دعائها الأخير وزادوا عليه، واختلف معها البعض وطالب بالرحيل الفوري للرئيس واعتبروا في رحيله عودة للأمان في مصر.