بالتفاصيل.. ( بوابة الشباب ) تكشف سر العداء بين وائل غنيم ومحمد البلتاجى

"البلتاجي لازم يتهزأ" هذا ما قاله وائل غنيم في تسريب قدمه برنامج" الصندوق الأسود" الذي يقدمه الكاتب الصحفي عبد الرحيم علي.. وكان اتصال يجمع غنيم بالناشط وائل عباس.. ويعود هذا الاتصال لفترة ما بعد 11 فبراير 2011 وأثناء احتفالات مصر بنجاح الثورة وبعد تولى عصام شرف رئاسة الوزراء...
وجاء في التسريب الآتي:
وائل عباس: إيه يا زعيم بقولك إيه
وائل غنيم: قول
وائل عباس: والنبى عشان أنا بس مؤدب.. ومش عايز أطلع فى تويتر أعمل حاجة.. ومحتاجك أنت تعملها والنبى
وائل غنيم: إيه خير؟
وائل عباس: عايز بس الراجل اللي بيخطف الميكروفون.. شفت انت كلمة البلتاجى الرخم ده اللي كل شويه يخطف الميكروفون من عصام شرف ويقعد يقول حاجات
وائل غنيم: محمد البلتاجى بتاع الإخوان؟
وائل عباس: آه انت مشفتش الفيديو بتاع عصام شرف؟
وائل غنيم: لا والله أنا أصلاً كنت راجع من بيروت إمبارح وتعبان فمشفتش أى حاجة النهارده، أنا لسه فايق من شويه كده
وائل عباس: كلمة جامدة كلمة جامدة بصراحة جامد قوي، كلمة يعنى قذرة كل ما يتكلم دقيقة يقوم خاطف منه الميكروفون (يسقط يسقط أمن الدولة) عايزين نعمل عليه كامبين الراجل اللي بيخطف الميكروفون"
وائل غنيم: آه آه.. يعنى أنا شايف البلتاجى لازم يتهزأ شويه.
وائل عباس: البلتاجى راجل محترم سيبك منه الراجل ده كويس جدًا غير بقية بتوع الإخوان وبعدين يا سيدى م احنا عايزين نِحِل أمن الدولة برضو
وائل غنيم: طيب ما أيوه بس كل شويه يخطف الميكروفون
وائل عباس: معلش معلش خليها عندى أنا ديه
وائل غنيم: انت بقيت مؤدب وله إيه؟ هههههههههه
وائل عباس: البلتاجى تبعى وعلاقتى بيه كويسة وهو راجل محترم يعنى
وائل غنيم: هههههههههههه
وائل عباس: لو كان القرضاوى كنت سبيت له الدين.. القرضاوى أنت عارف لكن البلتاجى راجل محترم يعنى
وائل غنيم: يا عم البلتاجى ده اللي منعنى من الطلوع على المنصة يا عم بس قشطة
أما عن الأزمة بين وائل غنيم ومحمد البلتاجي فتعود إلي 18 فبراير 2011، وكنا شاهد عيان على تلك الأزمة، وقمنا بنشر تقرير في بوابة الشباب تحت عنوان" مين إللى طرد وائل غنيم من ميدان التحرير ؟!"
فقد كانت هناك حالة من الاستياء حدثت فى مليونية الجمعة 18 فبراير عقب إزاحة وائل غنيم من منصة الاحتفال بميدان التحرير، وقد أثيرت يومها الكثير من الشكوك حول ما يحدث من صراع واصطدام فيما كنا نسميه مؤقتا بمجلس قيادة الثورة، فقد كانت بداية الصراع بعد سيطرة الإخوان بشكل شبه كامل تقريبا عليها، فالذى قاد منصة مليونية الجمعة الماضية هو الدكتور محمد بلتاجى ولم يكن وجها معروفا بشكل كبير، وقد دفع وائل غنيم لينزل من على المنصة، وقال البلتاجي يومها: إحنا عندنا قدرة على حشد الملايين في أي وقت ما لم تتم الاستجابة لمطالبنا والجمعة القادمة ستشهد مليونية جديدة، وقد أخفى وائل غنيم وجهه في هذا اليوم أثناء نزوله من المنصة وذلك بقناع من علم مصر، ولم يظهر غنيم في التحرير منذ هذا الحين
لمزيد من التفاصيل .. تابعوا الرابط التالي :
http://www.masress.com/shabab/4087