إبراهيم محلب لتوفيق عكاشة: مصر غنية لكن ده مش وقت احتجاجات !

قال المهندس إبراهيم محلب، رئيس مجلس الوزراء، إن مصر تعيش في مرحلة حرب ضد الإرهاب، مؤكدًا أن الحكومة لديها رؤية لحل أزمة الانقطاع المتكرر للكهرباء في فصل الصيف.
وقال محلب في مُداخلة هاتفية على قناة «الفراعين»، مساء الثلاثاء، إن مصر تعاني مشاكل عديدة، مضيفًا: «لو مش صارحنا الشعب بمشاكلنا يبقى بنضحك على نفسنا».
وأضاف محلب: «بقالنا 3 سنوات في إجازة ومحدش بيشتغل وده يؤرقني، وبفكر إزاي أرجع عجلة الإنتاج تاني، فلازم نشتغل مش نطالب بزيادة الرواتب دون إنتاج، ولو عايزين نبني بلدنا يبقى لازم نشتغل، وأحيي العامل والفلاح لاستمرارهم في عملهم رغم المشاكل التي تعرضوا لها».
وأوضح رئيس الوزراء: «مصر غنية ومحتاجين نشتغل، ده مش وقت احتجاجات يا جماعة، لأنه يوم ما أمك هتنزف أنا اللي هجري عليها وهديها دمي، مصر دي أمنا كلنا».
وأكد إبراهيم محلب أن «عجلة الإنتاج بدأت تدور، والشوارع بقت أنضف شوية، والأمن زاد شويتين، الدنيا بدأت تتحرك مش عايزين نوقفها، ليه إضراب، مش وقته؟».
وناشد محلب الأطباء «الصبر 3 أشهر لتحقيق مطالبهم»، مضيفًا: «أوعدكم كل ما هو حق إحنا اللي هندافع عنه وهنطالب بيه».
وأوضح رئيس الوزراء أن الحكومة لديها «رؤية شاملة لعلاج أزمة الانقطاع المتكرر للكهرباء، وهنلاقي حلول جذرية للمشكلة، وهنقول الحقيقة للشعب، دعونا لا نتاجر بأمراضنا حتى لا يصاب الشعب بالإحباط».
وأكد محلب أن مصر تمر بمرحلة «حرب ضد الإرهاب»، مشيرًا إلى أنه يرفع شعار «يد تبني ويد تدافع عن الوطن والأمة العربية بأسرها».