قال الفريق أول عبد الفتاح السيسي، النائب الأول لرئيس الوزراء وزير الدفاع، إن الشعب المصري لا ينسى من وقف إلى جانبه، كما أنه لا ينسى من وقف ضده. ووجه «السيسي»، خلال كلمته التي ألقاها في ختام احتفال القوات المسلحة بمناسبة الذكرى الأربعين لنصر أكتوبر، باستاد الدفاع الجوي، التحية للدول العربية المساندة مصر، وقال: "الشعب المصري شعب أصيل لا يمكن ينسى اللي يقف جنبه وكمان مابينساش اللي بيقف ضده". وأضاف القائد العام للقوات المسلحة، أن "الجيش تحت أمر الشعب.. ولا يمكن أن ينكسر، لأنه مثل الهرم لوجود شعب مصر معه"، موجهًا التحية لرجال الجيش والشرطة. وتابع: "خلوا بالكم التحدي كان ضخمًا جدًا، وحماية إرادة الناس وحرية اختيارهم كان أمر جلل وعظيم وخطير، والشعب والجيش والشرطة إيد واحدة، وإحنا كمان بنحبكم والله، وعاوز أقول لكم مش عايزين ننسى شهداء مصر، وفي الحرب كان فيه شهداء من إخواتنا العرب، وتحية لشهداء الحرب من مصر والعرب، وتحية لكل المصابين، كل مصابي الحرب الذين أصيبوا في الحرب، تحية لهم جميعًا". واستطرد «السيسي»: "اسمحوا لي بالمناسبة دي أجدد التحية والتقدير والشكر لكل الأشقاء العرب اللي وقفوا جنب مصر، وعاوز أقول لهم إن الشعب المصري شعب أصيل لا يمكن أن ينسى اللي يقف جنبه وكمان مابينساش اللي بيقف ضده، وخلي بالكم لا بينسى اللي بيقف جنبه ولا بينسى اللي بيقف ضده، وإذا كانت مصر هتبقى قد الدنيا فاعملوا حساب لليوم ده، أوعوا تكونوا مش مصدقين إن مصر مش هاتبقى قد الدنيا، لا هتبقى الدنيا، وبكرة تشوفوا والصغير منكم يفتكر الكلام ده عني". وأضاف: "نحن مسؤولون أمام الله وأمامكم يا مصريين وهنكمل التفويض ونقول كمان يا عرب عنكم جميعًا، نحن بفضل الله سبحانه وتعالى سنحمي مصر والمصريين وإرادة المصريين.. ده عهد زي ما أنتم أمرتم وفوضتم، وإحنا حريصين على هذا الأمر". وطالب «السيسي»، المصريين بالنضال في العمل، قائلا: "أنا ليا طلب عند المصريين، صحيح عايز أقول لكم إن مصر مستنية منكم وعايزة منكم النضال في العمل والصبر والإخلاص، وما تكسروش بخاطر مصر، من فضلكم نشتغل ونصبر ونتحمل، واوعوا تفتكروا إن قد الدنيا من غير ثمن، لكن فيه ثمن لازم ندفعه، مصر مستنية مننا كلنا إننا نخلي بالنا منها كلنا ونكبرها ونحافظ عليها". ..
