تخيل لو كانت الحياة " ويندوز XP " !

وانا قاعدة فى بيتى فى يوم إجازتى رن الموبايل .. كانت صاحبتى " الانتيم " فاضطررت أن أرد ووجدتها البنت منهارة ومش طايقة عيشتها وعايزة تقتل أى حد يمر قدامها .. طبعا قعدت أهدى فيها وأقولها " وحدى الله " وعزمت عليها تيجي تقعد معايا شوية .. قالت لى " 5 دقايق وأكون عندك مسافة السكة " .. وده رغم إنها كانت بصراحة عزومة مراكبية ! .
المهم بعد 20 دقيقة رن جرس الباب ودخلت صديقتى وجلست بدون ما تنطق ولا كلمة .. عملت لها واحد ليمون شربته من غير ولا كلمة برضه ، قولت لها مالك يا بنتى فردت " انا عندى شغل الصبح ولازم أخلصه بسرعة .. مش عارفة أعمل إيه " وبعدها سرحت بخيالها وقالت لي " تخيلى لو الدنيا دى عبارة عن ويندوز xp " طبعاً قلت فى سرى " الحالة تدهورت جدا والبنت إتجننت " .. وفضلت أطاوعها وأشوف أخرتها إيه .. وكملت كلامها وقالت " تخيلى الحياة ويندوز xp .. مثلا لو فيه أزمة مرور و الدنيا زحمة نحدد كل السيارات ctrl+A وبعدها أعمل لهم Delete و وهبقى لوحدى بالشارع ,,, ودايما اعمل لحياتى Refresh و أرجع فى اخطائى ctrl+z وللماضي Clear History .. ولو حسيت انى مش متاقلمة مع الحياة اعمل Format ودايما افتح صفحه جديده في حياتى New Folder ولو ضاع منى أى حاجة بمنتهى البساطة اعمل Search و لو حسيت بالبرد اخد حبة Anti Virus.. وكل ما احس إن رتم الحياة بطئ اعمل Restart .. و لو حسيت انى تهت في الدنيا اخلي الصورة واضحة Win+Dودايما اعمل جولة داخل نفسىAlt + Escو اقفل اي صفحة مش عاجبانى Alt+F4 .. و اي عقبه تواجهنى مش هيأس واديها Alt+Ctrl+Delete ..ولو عملت اي حاجه و ندمت عليها اعمل Restore ..
طبعاً أنا لو لو الحياة كده على طول هعمل setup .. طيب وأنتم .. تخيلوا كده الجنان ده .. مستنيين تعليقاتكم .