يا بلاد يا غريبة

إيه يا بلاد يا غريبة .. عدُوة ولا حبيبة؟
فى الليل تصحى عيونِك.. ونجومِك مش قريبة
بلاد معرفش ناسها.. ولا عارفانى بيبانها
وماليش شبر فى أساسها .. ولا طوبة فى حيطانها
وخطاويَّه غريبة
عالَم رايحة وجايّة .. وأنا مين وفين مكانى؟
وإيه آخر الحكاية؟ وإيه اللى رمانى؟
يا خطاويَّه الغريبة
دنيا ولا متاهة؟ دايرة وبندور وراها
فى صبحها ومساها.. آهة وراها آهة
يا خطاويَّه الغريبة
ياما زقزق القمرى
يا ما زقزق القمرى
على ورق الليمون
علشان بلدنا يا وله
وجمال بلدنا يا وله
كله يهون
شيلنى شيل ياجدع
على كل كتف أشيل جبل
عمر الكتاف ماهاتنخلع
مادام بيحلو العمل
ولو رمينا سنبلة
بكره تكون حمول كتيرة متلتلة
علشان بلدنا يا وله
وجمال بلدنا يا وله
كله يهون
يا ما زقزق القمرى
على ورق الليمون
إحنا اتقبلنا فى غير ميعاد
ياميت حلاوه عاللقا
جايين ومن كل البلاد
من ملوى والغردقة
ماتقولش أنا من المنزلة ولا سنديون
ولا من الباجور ولا من تلا
علشان بلدنا يا وله
وجمال بلدنا يا وله
كله يهون
أرابيسك
وينفلت من بين إيدينا الزمان
كأنه سحبة قوس فى أوتار كمان
وتنفرط لِيَّام.. عود كهرمان
يتفرفط النور والحنان والأمان
الشر شرق وغرب
داخل فى حوشنا
حوشوه لا ريح شاردة
تقشقش عشوشنا
حوشوا شرارة تطيش
تشقق عروشنا
وتغشنا المرايات
تشوش وشوشنا
وتهيل تراب
ع الهالة والهيلمان
الغش طرطش..
رش ع الوش بوية
ما درتشى مين بلياتشو
أو مين رزين
شاب الزمان وشقِيت
مش شكل أبويا
شاهت وشوشنا
تُوهنا بين زين وشين
ولسه ياما وياما
حانشوف كمان