أسعار الذهب اليوم الأحد 13 يوليو 2025.. احسب فاتورتك لو اشتريت عيار 21 من 43 يومًا    الإعلان عن خطة شاملة لتطوير مدينة القصير بالبحر الأحمر    أسعار الفراخ والبيض في أسواق وبورصة الشرقية اليوم الأحد 13-7-2025    ننشر أسعار الأسماك والخضراوات والدواجن.. الأحد 13 يوليو    «أنا ضد خروجه تمامًا».. ضياء السيد يحذر الأهلي من التفريط في هذا اللاعب    نتيجة الدبلومات الفنية 2025| اكتب رقم جلوسك واستعلم فورًا عبر «البوابة نيوز»    تامر أمين عن ظاهرة التباهي بين الاغنياء في الساحل الشمالي: يعني إيه عربية ب 50 مليون جنيه (فيديو)    محمد سمير يعلن اعتزاله كرة القدم.. وانضمامه للجهاز الفني بنادي زد    الدولار ب49.58 جنيه.. سعر العملات الأجنبية اليوم الأحد 13-7-2025    والده يعشق الكاراتيه وأزمة بسببه.. 15 صورة وأبرز المعلومات عن عائلة وسام أبو علي    آخرها فنانة سويسرية.. كابوس مها الصغير لا ينتهي    البيت الفني للمسرح يقدم 15 عرضًا و100 ليلة عرض دعماً للشباب    مع زيادة الرسوم الجمركية.. توقعات بارتفاع التضخم في أمريكا    لوقف النار بغزة.. نتنياهو يستدعي سموتريتش وبن غفير    «دوروا على غيره».. نجم الزمالك السابق يوجّه رسائل نارية لمجلس لبيب بسبب حمدان    «مش هتقف على حد».. تعليق قوي من نجم الأهلي السابق بشأن رحيل وسام أبوعلي    أونانا خارج حسابات مانشستر يونايتد في جولة أمريكا استعدادًا للموسم الجديد    نتنياهو: نعمل على اتفاق لوقف إطلاق النار فى غزة 60 يوما    التفاصيل الكاملة لحادث غرق سيارة بالرياح الناصري في الجيزة (صور)    زعيم كوريا الشمالية يؤكد استعداده لدعم إجراءات روسيا بشأن تسوية الأزمة الأوكرانية    وكالة فارس: الرئيس الإيراني أُصيب في هجوم إسرائيلي استهدف اجتماعا سريا للأمن القومي في 16 يونيو    رسمياً.. بدء تسجيل اختبارات القدرات لتنسيق الجامعات 2025 والإعلان عن قواعد تنظيمية مشددة    أفضل أدعية الفجر.. 10 صيغ لطلب الرزق وصلاح الأحوال    البث العبرية: نتنياهو يعقد اجتماعًا الليلة بشأن صفقة التبادل    اللقب الثالث تواليا يضيع.. الشرطة بقيادة مؤمن سليمان يودع كأس العراق بركلات الترجيح    انفوجراف.. الحصاد الأسبوعي لأنشطة وزارة التعليم العالي والبحث العلمي    نرمين الفقي وسط البحر وابنة عمرو دياب جريئة.. لقطات نجوم الفن خلال 24 ساعة    نشرة التوك شو| مصر تقود جهود إقليمية لوقف إطلاق النار بغزة وارتفاع درجات الحرارة يُفاقم الحرائق    للمرة الثانية.. سيدة تضع مولودها داخل سيارة إسعاف بقنا    23 متهمًا للمحاكمة في خلية اللجان النوعية| اليوم    خاص| الدبيكي: تمثيل العمال في «الشيوخ» ضرورة وطنية لتحقيق التوازن التشريعي    رئيس شعبة الأسمنت: الأسعار مستقرة والناس لا تعترض بعد التراجع الكبير في الأسبوعين الماضيين    القضاء الإداري يتلقى طعنا لاستبعاد مرشحين من انتخابات مجلس الشيوخ بالقليوبية    انتخابات الشيوخ بأسيوط.. القائمة محسومة وصفيح ساخن على الفردي    «عجائب قريتي».. رواية جديدة لماهر مهران    تسجل 43 درجة.. بيان مهم يكشف طقس الساعات المقبلة وموعد عودة الأمطار الرعدية    نجاح فريق الجراحة بمستشفى الفيوم العام في إنقاذ طفل بعد انفجار بالأمعاء الدقيقة    مصرع شخص تحت عجلات القطار بمركز المراغة بسوهاج    بعد أزمة الإنترنت.. WE تكشف آلية تعويض المستخدمين    مغلق من 13 عامًا.. عمرو سمير عاطف: غياب قصر الثقافة حرم أجيالًا من الفن والمسرح    رئيس وزراء العراق: اتفاق تركيا والعمال الكردستاني مفيد للمنطقة    فلسطين.. إصابتان باعتداء قوات الاحتلال في رامين ومخيم طولكرم    7 أسباب شائعة وغير متوقعة لرائحة التعرق الكريهة    نتيجة الدبلومات الفنية 2025 برقم الجلوس عبر بوابة التعليم الفني (رابط)    «زي النهارده».. وفاة كمال الدين رفعت أحد الضباط الأحرار 13 يوليو 1977    انفراجة حقيقية في الأوضاع المالية.. حظ برج الدلو اليوم 13 يوليو    رسالة جديدة من مودريتش بعد رحيله عن ريال مدريد    أزمة الوفد وانتخابات الشيوخ    بين مكاسب إسرائيل والحسابات الخاطئة للعرب    يمنع امتصاص الكالسيوم.. خبيرة تغذية تحذر من الشاي باللبن    ماء الكمون والليمون.. مشروبات فعالة في التخلص من الغازات والانتفاخ    بتهمة تجارة المخدرات.. المشدد 6 سنوات لسائق توك توك في الوراق    «الصحة» تدعم مستشفى كفر الدوار العام بجهاز قسطرة قلبية ب 23 مليون جنيه    الاتصالات: تفعيل خطط بديلة بعد حريق سنترال رمسيس لإعادة الخدمة تدريجيا    هل الوضوء داخل الحمام صحيح؟ أمين الفتوى يجيب (فيديو)    رئيس جامعة الأزهر: آية الدعاء في عرفة تقسم الناس إلى فريقين.. وأقوال المفسرين تكشف دقة التوجيه القرآني    ما هو أقل ما تدرك به المرأة الصلاة حال انقطاع الحيض عنها؟.. الإفتاء تجيب    باحث بمرصد الأزهر: التنظيمات المتطرفة تستخدم الخوف كوسيلة للسيطرة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



يوميات الأخبار
دنياك سكك حافظ علي مسلكك


نصحت ونحن مختلفون نارا .. ولكن كلنا في الهمِّ شرقُ
من قصيدة »‬دمشق» لأمير الشعراء
نار قايدة : م الشام لليمن
في وسط الحرايق المشتعلة ف منطقتنا العربية، وبعد طبول الحرب اللي دوِّت في الرياض وسمعنا صدي دويّها في شرم الشيخ، استعدت في ذاكرتي بعض الأقوال والأفكار اللي قريتها في كتب ومقالات صحفية قديمة وجديدة، وشفت بعين خيالي شوية أسئلة بتتزاحم وهي بترقص زي الفراشات حوالين لهيب النيرات الممتدة من سينا لسوريا للعراق لليمن.
أول حاجة نطت في بالي، بعض رؤي الآباء المؤسسين للكيان الصهيوني زي بن جوريون وبيجن، ودول كانوا شايفين ان اسرائيل مش ح تنتصر علي العرب وتخضعهم، إلا إذا خرجت مصر من الصراع العربي الاسرائيلي، وتم تحييد سوريا، وهوه ده اللي حصل من كامب ديفيد وجاي، لحد ما ابتدا يتعثر مع ثورة 25 يناير اللي لسه ما عرفناش قيمتها وبنحاول نحبط ثوارها.
وبعد كده جه علي بالي كلام الأستاذ الجرنالجي الأكبر ورجل الدولة الناصرية محمد حسنين هيكل، اللي كلمنا زمان – بعد كامب ديفيد – عن دخول العرب إلي مرحلة سماها »‬ الحقبة السعودية»، وان مملكة آل سعود هي اللي ح تبقي صاحبة اليد العليا والكلمة المسموعة والمطاعة بين كل الدول العربية، وبعد كده كلمنا عن الحقبة الاسرائيلية، اللي اسرائيل فيها ح تفرض شروطها علي العرب وح يخضعوا ويستسلموا للإرادة الصهيونية، وشفنا بعينينا ازاي الحقبة السعودية ودتنا للحقبة الاسرائيلية، وشفنا اسرائيل بتعربد في المنطقة، وتجر الفلسطينيين وبقية العرب لأوسلو ودوامة المفاوضات وبناء المستوطنات، لحد ما انتهت الحقبة الاسرائيلية سنة 2000، مع ضربات المقاومة اللبنانية واجبار الجيش الصهيوني وعملاؤه علي الانسحاب من جنوب لبنان، ومع انتصار مقاومة حزب الله علي العدوان الصهيوني سنة 2006 انتهت تماما أسطورة الجيش الذي لايقهر، وثبت للجميع ان الاستعمار نمر ورق زي ما قالها زمان عمنا ماو.
وبعد كده جه علي بالي كلام في مقالة للغالية نوارة نجم، ربنا يبارك لنا ف عقلها النِّوِر، ولسانها الأطول من قمع السكر بتاع زمان، بتعري ف مقالها مجموعة الأكاذيب اللي بيتشدق بيها أنصار التدخل العسكري المصري في اليمن، وبترد علي دعاوي ضرورة الحماية المصرية لباب المندب من سطوة الحوثيين، عشان ما تتعطلش حركة التجارة العالمية وما تتخنقش قناة السويس، وبتقول لهم ان باب المندب حواليه أساطيل وقواعد بتحميه، اشي امريكاني، واشي بريطاني، واشي فرنساوي، واشي اسرائيلي كمان، وبترد علي موضوع حماية الأمن القومي العربي، ان لا المقصود أمن عربي ولا حتي خليجي انما المقصود أمن مملكة آل سعود ومصالحهم، وان التهديد الأكبر للأمن القومي العربي هو الصهيونية والكيان الصهيوني، اللي زرعه الاستعمار شوكة ف قلب العالم العربي، وان تحويل بوصلة العداء لايران بدل من توجيهها لاسرائيل واللي وراها، والكلام عن التمدد الشيعي، والمشروع الفارسي، والصراع السني الشيعي، كلها حاجات ما تخصِّناش في مصر، ولا تلزمنا، ولا احنا ناقصينها، ودي كلها لعبة وهابية سعودية لحساب المشروع الصهيوأمريكي، اللي عايز يشعللها حروب دينية وطائفية ومذهبية، تسهل تفتيت المنطقة واخضاع شعوبها ونهب خيراتها.
وبعدين ملت دماغي مقالة بسيطة وعميقة، كتبها صديقي وابن صديقي الدكتور مصطفي اللباد، بيقرا فيها أحوال قمة شرم الشيخ، وبيرصد فيها الخلافات في المواقف بين مصر ومملكة آل سعود، من خلال كلمة الرئيس السيسي، اللي أعلن فيها عداء مصر للارهاب بكل أشكاله، ومساندته للشعب السوري وللدولة السورية معا، وحرصه علي تطهير ليبيا من الإرهاب التفكيري اللي بيهدد الأمن المصري وضرورة إنشاء قوة عربية مشتركة، بينما الملك السعودي اللي أعلن الحرب علي اليمن قبل ما ييجي المؤتمر ومن غير ما يشاور حد، أكد في كلمته علي فكرة الصراع المذهبي، وعلي ضرورة اسقاط الأسد، وظهر خلافه مع مصر في مسألة ليبيا، وتجاهل الصراع العربي الصهيوني، وما جابش سيرة قوة الردع العربية المشتركة اللي اقترحها الرئيس السيسي، وساب المؤتمر بعد ما قال كلمته من غير ما يسمع رأي بقية أهل القمة، وكأنه بيقول لهم : اللي مش عاجبه يخبط راسه في الحيط.
الكلام ده كله باللي فيه من أفكار، هو اللي فجر الأسئلة اللي شفتها بعين خيالي بتتزاحم وبترقص زي الفراشات حوالين النار، ولقيتني باقول في عقل بالي :
هو احنا – يا عرب – راجعين تاني لحقبة سعودية بتمهد لحقبة اسرئيلية امريكية ؟!
وليه طيارات التحالف ضد الإرهاب ضربت الحشد الشعبي في العراق، وما اتحررتش تكريت إلا بعد ما الطيارات دي وقفت غاراتها ؟ هو التحالف ده لدعم داعش ولا لمحاربتها ؟ !
هل الملك السعودي وتركيا وقطر متصورين انهم ح يقدروا يسقطوا الأسد ونظامه ؟ بعد ما أمريكا رجعت في كلامها، وشايفة الأسد جزء م الحل ومش جزء م المشكلة ؟!
وهل الغارات الجوية السعودية علي اليمن لتحرير الشعب اليمني ؟، ولا لإعادة اليمن لحظيرة التبعية السعودية ؟! وهل الغارات دي وقنابلها ح تفرق بين زيود وشوافع وأحناف، ومش ح تنزل إلا علي روس الحوثيين الشيعة ولاد ستين في سبعين ؟ّ! وآدي احنا شايفين الشعب اليمني كله ضم علي بعضه ضد العدوان السعودي، فهل ح ينتصر العدوان ؟! وفرضا – لا قدر الله – انتصر (وده مستحيل)، الانتصار ده ح يصب ف مصلحة مين غير القاعدة والدواعش، اللي ح يبقي هدفهم التالي السعودية ذاتها، واذا انهزم، هل ح يأمن آل سعود علي ملكهم من عودة الجيش المهزوم ؟!
وهل انشاء قوة الردع العربية اللي اقترحها الرئيس السيسي سقوط في شرك المشروع الوهابي الصهيوأمريكي لتقسيم المنطقة واخضاعها، من خلال الصراع السني الشيعي، وح نبعت ولادنا الفقرا يحاربوا اخواتهم العرب الفقرا، لحساب أغنياء الخليج؟! ولا دي مناورة تكتيكية لاحتواء الموقف وتداركه ؟! (وده اللي ممكن يوحي بيه تعليق المشاركة المصرية الرسمية علي شماعة المشاكل اللوجستية اللي مطلوب حلها !).
والحقيقة – مش عارف ليه ؟ - حاسس ان كل النار القايدة دي من الشام لليمن، وخصوصا مع الانتصارات المتتالية لمحور المقاومة علي المحور الوهابي الصهيوأمريكي في الشام والعراق ومصر وليبيا واليمن – ان شاء الله – محاولة مستميتة من القوي المعادية للشعوب العربية لاستكمال ضرب الربيع العربي، واعطاء ورقة ضغط للمفاوض الأمريكي علي مائدة المفاوضات مع ايران في لوزان. بس علي رأي المثل : علي نفسها جنت براقش !!!
أوراق قديمة
اللي بيحصل حوالينا دلوقت، بيصحي ف قلبي غنوتين للمقدمة والنهاية، كنت كتبتهم في تسعينيات القرن اللي فات لمسلسل أرابيسك، اللي كتبه الراحل العظيم أسامة أنور عكاشة، وبيناقش فيه المعضلة الكبري اللي عاشها العقل العربي علي مدار العصر الحديث وهي مسألة الأصالة والمعاصرة : ازاي نواجه العصر بإرادتنا المستقلة وهويتنا الوطنية ؟!، والمسلسل أخرجه الراحل الجميل عم اسماعيل عبد الحافظ، ولحن أشعاره رفيق العمر والمشوار عمار.
(1)
... وينفلت من بين إيدينا الزمان
كأنه سَحبة قوس في أوتار كمان
وتنفرط ليام عقود كهرمان
يتفرفط النور.. والحنان.. والأمان
وينفلت من بين إيدينا الزمان
الشر.. شر وغرب.. داخل لحوشنا
حوشوا.. لا ريح شاردة تقشقش عشوشنا
حوشوا.. شرارة تطيش.. تشقق عروشنا
وتغشنا المرايات.. تشوِّش وشوشنا
وتهيل تراب ع الهالة والهيلمان
وينفلت من بين إيدينا الزمان
الغش طرطش.. رش ع الوش بُويه
ما دريتش مين بلياتشو أو مين رزين!
شاب الزمان، وشقيقي مش شكل ابويا
شاهت وشوشنا، تُهنا بين شين وزين!
ولسه ياما وياما ح نشوف كمان
وينفلت من بين ايدينا الزمان
(2)
.. ويرفرف العمر الجميل الحنون
ويْفِرّ.. ويفَرْفَر.. في رفّة قانون
وندور نلف، ما بين حقيقة وظنون
وبين اسي هفهاف، وهفة جنون
ويرفرف العمر الجميل الحنون
دنياك سكك.. حافظ علي مسلكك
وامسك في نفسك، لا العلل تمسكك
وتقع في خيّة تملكك.. تهلكك
أهلك يا تهلك، دانت بالناس تكون
ويرفرف العمر الجميل الحنون
إن دِرت ضهرك للزمن يتركك
لكن سنابك مهرته تفْركك
وان دِرت وشك للحياه تِسْبُكك
والخير يجيك بالكوم.. وهمك يهون
ويرفرف العمر الجميل الحنون
.. النظرية الشبهية .. تاني !
حكيت لكو ف مرة سابقة عن صدمتي الحضارية الأولي، في حفل موسيقي، في مدينة سويسرية صغيرة، وازاي شفت الناس دي بتفهم المزيكا وبتتذوقها بشكل تاني، وإننا في بلادنا عايشين في ضل نظرية الشبهية، والحياه والحاجات شبه الحياه والحاجات، بش مش هيه نفس الحياه ولا هي نفس الحاجات. الصدمة الحضارية التانية بقي، حصلت لي في قرية سويسرية صغيرة جدا، تعداد سكانها كام ألف ما يوصلوش عشرة، واسمها بودري في مقاطعة نيوشاتل ( برضه).
كنت جايب معايا – من مصر – مجموعة أفلام قصيرة، متصورة بكاميرا 8 مللي، من أعمال أخويا اللي كان بيدرس ايامها في معهد السينما، واللي بقي دلوقت شاعر ومخرج شهير، ندر عمره للكتابة والاخراج للاطفال، واللي هو الشاعر والمخرج شوقي حجاب، وبعد ما تم تحميض الأفلام دي، طلبت من مضيفي يشوف لنا ماكينة عرض 8 مللي نشوفها عليها، وبدون ما يفكر كتير قال لي : الماكينة الوحيدة من النوع ده موجودة عند صبي الخباز، لأنه غاوي برضه صنع الأفلام القصيرة ! إيه رأيك نعمل قعدة مع بعض عشاق السينما في القرية، ونشوف فيها أعمال اخوك وأعمال صبي الخباز، وعجبتني الفكرة، وعملنا القعدة.
ومضيفي كان قسيس بروتستانتي، وكان بيرعي الجالية السويسرية في القاهرة وبعدين في دوالا بالكاميرون، وبقي بعد كده قسيس قرية بودري، كان دكتوراه في اللاهوت، وتلميذ لفيلسوف وجودي شهير اسمه برديائيف، وكان صديق لكتير من المشاهير منهم دورينمات وماكس فريش (من أهم كتاب المسرح في زماننا)، وكان الحاضرين مجموعة صغيرة (حوالي خمستاشر شخص)، من بينهم صبي الخباز الطلياني، والخباز السويسري، ومدير فرع بنك UBS، وطبيب هو الدكتور جينيريه، وده ابن عم لوكوربوازييه (سويسري ومن أشهر المعماريين في زماننا)، وكان عنده ف بيته متحف فرعوني صغير فيه بعض مومياوات الطيور المحنطة، وكسر من أقنعة توابيت فرعونية وقبطية.
ومع عرض الأفلام، ثم مع المناقشات الدايرة بعد الفرجة، اتأكد إدراكي ان دي ناس تانية في عالم مختلف عننا تماما، مع الفرجة أدركت ان أفلام صبي الخباز الهاوي مش أقل (وساعات أحسن) من أفلام أخويا اللي بيدرس دراسة أكاديمية، لأن السينما جزء من ثقافة المجتمع ده، وان المجتمع بيتيح لغير المتخصصين امكانية التعلم في المجال اللي يحبوه، ومع المناقشات، أذهلني التواصل الحاصل بين الحاضرين، برغم اختلاف مستوياتهم الاجتماعية والتعليمية، كلهم بستعملوا نفس المصطلحات وكلهم فاهمين بعض، ومفيش فرق كبير بين صبي البقال واللي معاه دكتوراه، وسألت نفسي : لو قعّدنا دكتور جامعة مع شيخ أزهري مع واحد واخد دبلوم مع خريج مدرسة لغات مع خريج مدرسة ميري، مع فلاح مع مع عامل مع أمي، هل ح يعرفوا يتفاهموا ويتواصلوا، وساعتها حسيت اننا مش عايشين في ثقافة واحدة ولا عصر واحد، وان النظرية الشبهية بتحكم ثقافتنا زي ما بتحكم حياتنا كلها.
نصحت ونحن مختلفون نارا .. ولكن كلنا في الهمِّ شرقُ
من قصيدة »‬دمشق» لأمير الشعراء
نار قايدة : م الشام لليمن
في وسط الحرايق المشتعلة ف منطقتنا العربية، وبعد طبول الحرب اللي دوِّت في الرياض وسمعنا صدي دويّها في شرم الشيخ، استعدت في ذاكرتي بعض الأقوال والأفكار اللي قريتها في كتب ومقالات صحفية قديمة وجديدة، وشفت بعين خيالي شوية أسئلة بتتزاحم وهي بترقص زي الفراشات حوالين لهيب النيرات الممتدة من سينا لسوريا للعراق لليمن.
أول حاجة نطت في بالي، بعض رؤي الآباء المؤسسين للكيان الصهيوني زي بن جوريون وبيجن، ودول كانوا شايفين ان اسرائيل مش ح تنتصر علي العرب وتخضعهم، إلا إذا خرجت مصر من الصراع العربي الاسرائيلي، وتم تحييد سوريا، وهوه ده اللي حصل من كامب ديفيد وجاي، لحد ما ابتدا يتعثر مع ثورة 25 يناير اللي لسه ما عرفناش قيمتها وبنحاول نحبط ثوارها.
وبعد كده جه علي بالي كلام الأستاذ الجرنالجي الأكبر ورجل الدولة الناصرية محمد حسنين هيكل، اللي كلمنا زمان – بعد كامب ديفيد – عن دخول العرب إلي مرحلة سماها »‬ الحقبة السعودية»، وان مملكة آل سعود هي اللي ح تبقي صاحبة اليد العليا والكلمة المسموعة والمطاعة بين كل الدول العربية، وبعد كده كلمنا عن الحقبة الاسرائيلية، اللي اسرائيل فيها ح تفرض شروطها علي العرب وح يخضعوا ويستسلموا للإرادة الصهيونية، وشفنا بعينينا ازاي الحقبة السعودية ودتنا للحقبة الاسرائيلية، وشفنا اسرائيل بتعربد في المنطقة، وتجر الفلسطينيين وبقية العرب لأوسلو ودوامة المفاوضات وبناء المستوطنات، لحد ما انتهت الحقبة الاسرائيلية سنة 2000، مع ضربات المقاومة اللبنانية واجبار الجيش الصهيوني وعملاؤه علي الانسحاب من جنوب لبنان، ومع انتصار مقاومة حزب الله علي العدوان الصهيوني سنة 2006 انتهت تماما أسطورة الجيش الذي لايقهر، وثبت للجميع ان الاستعمار نمر ورق زي ما قالها زمان عمنا ماو.
وبعد كده جه علي بالي كلام في مقالة للغالية نوارة نجم، ربنا يبارك لنا ف عقلها النِّوِر، ولسانها الأطول من قمع السكر بتاع زمان، بتعري ف مقالها مجموعة الأكاذيب اللي بيتشدق بيها أنصار التدخل العسكري المصري في اليمن، وبترد علي دعاوي ضرورة الحماية المصرية لباب المندب من سطوة الحوثيين، عشان ما تتعطلش حركة التجارة العالمية وما تتخنقش قناة السويس، وبتقول لهم ان باب المندب حواليه أساطيل وقواعد بتحميه، اشي امريكاني، واشي بريطاني، واشي فرنساوي، واشي اسرائيلي كمان، وبترد علي موضوع حماية الأمن القومي العربي، ان لا المقصود أمن عربي ولا حتي خليجي انما المقصود أمن مملكة آل سعود ومصالحهم، وان التهديد الأكبر للأمن القومي العربي هو الصهيونية والكيان الصهيوني، اللي زرعه الاستعمار شوكة ف قلب العالم العربي، وان تحويل بوصلة العداء لايران بدل من توجيهها لاسرائيل واللي وراها، والكلام عن التمدد الشيعي، والمشروع الفارسي، والصراع السني الشيعي، كلها حاجات ما تخصِّناش في مصر، ولا تلزمنا، ولا احنا ناقصينها، ودي كلها لعبة وهابية سعودية لحساب المشروع الصهيوأمريكي، اللي عايز يشعللها حروب دينية وطائفية ومذهبية، تسهل تفتيت المنطقة واخضاع شعوبها ونهب خيراتها.
وبعدين ملت دماغي مقالة بسيطة وعميقة، كتبها صديقي وابن صديقي الدكتور مصطفي اللباد، بيقرا فيها أحوال قمة شرم الشيخ، وبيرصد فيها الخلافات في المواقف بين مصر ومملكة آل سعود، من خلال كلمة الرئيس السيسي، اللي أعلن فيها عداء مصر للارهاب بكل أشكاله، ومساندته للشعب السوري وللدولة السورية معا، وحرصه علي تطهير ليبيا من الإرهاب التفكيري اللي بيهدد الأمن المصري وضرورة إنشاء قوة عربية مشتركة، بينما الملك السعودي اللي أعلن الحرب علي اليمن قبل ما ييجي المؤتمر ومن غير ما يشاور حد، أكد في كلمته علي فكرة الصراع المذهبي، وعلي ضرورة اسقاط الأسد، وظهر خلافه مع مصر في مسألة ليبيا، وتجاهل الصراع العربي الصهيوني، وما جابش سيرة قوة الردع العربية المشتركة اللي اقترحها الرئيس السيسي، وساب المؤتمر بعد ما قال كلمته من غير ما يسمع رأي بقية أهل القمة، وكأنه بيقول لهم : اللي مش عاجبه يخبط راسه في الحيط.
الكلام ده كله باللي فيه من أفكار، هو اللي فجر الأسئلة اللي شفتها بعين خيالي بتتزاحم وبترقص زي الفراشات حوالين النار، ولقيتني باقول في عقل بالي :
هو احنا – يا عرب – راجعين تاني لحقبة سعودية بتمهد لحقبة اسرئيلية امريكية ؟!
وليه طيارات التحالف ضد الإرهاب ضربت الحشد الشعبي في العراق، وما اتحررتش تكريت إلا بعد ما الطيارات دي وقفت غاراتها ؟ هو التحالف ده لدعم داعش ولا لمحاربتها ؟ !
هل الملك السعودي وتركيا وقطر متصورين انهم ح يقدروا يسقطوا الأسد ونظامه ؟ بعد ما أمريكا رجعت في كلامها، وشايفة الأسد جزء م الحل ومش جزء م المشكلة ؟!
وهل الغارات الجوية السعودية علي اليمن لتحرير الشعب اليمني ؟، ولا لإعادة اليمن لحظيرة التبعية السعودية ؟! وهل الغارات دي وقنابلها ح تفرق بين زيود وشوافع وأحناف، ومش ح تنزل إلا علي روس الحوثيين الشيعة ولاد ستين في سبعين ؟ّ! وآدي احنا شايفين الشعب اليمني كله ضم علي بعضه ضد العدوان السعودي، فهل ح ينتصر العدوان ؟! وفرضا – لا قدر الله – انتصر (وده مستحيل)، الانتصار ده ح يصب ف مصلحة مين غير القاعدة والدواعش، اللي ح يبقي هدفهم التالي السعودية ذاتها، واذا انهزم، هل ح يأمن آل سعود علي ملكهم من عودة الجيش المهزوم ؟!
وهل انشاء قوة الردع العربية اللي اقترحها الرئيس السيسي سقوط في شرك المشروع الوهابي الصهيوأمريكي لتقسيم المنطقة واخضاعها، من خلال الصراع السني الشيعي، وح نبعت ولادنا الفقرا يحاربوا اخواتهم العرب الفقرا، لحساب أغنياء الخليج؟! ولا دي مناورة تكتيكية لاحتواء الموقف وتداركه ؟! (وده اللي ممكن يوحي بيه تعليق المشاركة المصرية الرسمية علي شماعة المشاكل اللوجستية اللي مطلوب حلها !).
والحقيقة – مش عارف ليه ؟ - حاسس ان كل النار القايدة دي من الشام لليمن، وخصوصا مع الانتصارات المتتالية لمحور المقاومة علي المحور الوهابي الصهيوأمريكي في الشام والعراق ومصر وليبيا واليمن – ان شاء الله – محاولة مستميتة من القوي المعادية للشعوب العربية لاستكمال ضرب الربيع العربي، واعطاء ورقة ضغط للمفاوض الأمريكي علي مائدة المفاوضات مع ايران في لوزان. بس علي رأي المثل : علي نفسها جنت براقش !!!
أوراق قديمة
اللي بيحصل حوالينا دلوقت، بيصحي ف قلبي غنوتين للمقدمة والنهاية، كنت كتبتهم في تسعينيات القرن اللي فات لمسلسل أرابيسك، اللي كتبه الراحل العظيم أسامة أنور عكاشة، وبيناقش فيه المعضلة الكبري اللي عاشها العقل العربي علي مدار العصر الحديث وهي مسألة الأصالة والمعاصرة : ازاي نواجه العصر بإرادتنا المستقلة وهويتنا الوطنية ؟!، والمسلسل أخرجه الراحل الجميل عم اسماعيل عبد الحافظ، ولحن أشعاره رفيق العمر والمشوار عمار.
(1)
... وينفلت من بين إيدينا الزمان
كأنه سَحبة قوس في أوتار كمان
وتنفرط ليام عقود كهرمان
يتفرفط النور.. والحنان.. والأمان
وينفلت من بين إيدينا الزمان
الشر.. شر وغرب.. داخل لحوشنا
حوشوا.. لا ريح شاردة تقشقش عشوشنا
حوشوا.. شرارة تطيش.. تشقق عروشنا
وتغشنا المرايات.. تشوِّش وشوشنا
وتهيل تراب ع الهالة والهيلمان
وينفلت من بين إيدينا الزمان
الغش طرطش.. رش ع الوش بُويه
ما دريتش مين بلياتشو أو مين رزين!
شاب الزمان، وشقيقي مش شكل ابويا
شاهت وشوشنا، تُهنا بين شين وزين!
ولسه ياما وياما ح نشوف كمان
وينفلت من بين ايدينا الزمان
(2)
.. ويرفرف العمر الجميل الحنون
ويْفِرّ.. ويفَرْفَر.. في رفّة قانون
وندور نلف، ما بين حقيقة وظنون
وبين اسي هفهاف، وهفة جنون
ويرفرف العمر الجميل الحنون
دنياك سكك.. حافظ علي مسلكك
وامسك في نفسك، لا العلل تمسكك
وتقع في خيّة تملكك.. تهلكك
أهلك يا تهلك، دانت بالناس تكون
ويرفرف العمر الجميل الحنون
إن دِرت ضهرك للزمن يتركك
لكن سنابك مهرته تفْركك
وان دِرت وشك للحياه تِسْبُكك
والخير يجيك بالكوم.. وهمك يهون
ويرفرف العمر الجميل الحنون
.. النظرية الشبهية .. تاني !
حكيت لكو ف مرة سابقة عن صدمتي الحضارية الأولي، في حفل موسيقي، في مدينة سويسرية صغيرة، وازاي شفت الناس دي بتفهم المزيكا وبتتذوقها بشكل تاني، وإننا في بلادنا عايشين في ضل نظرية الشبهية، والحياه والحاجات شبه الحياه والحاجات، بش مش هيه نفس الحياه ولا هي نفس الحاجات. الصدمة الحضارية التانية بقي، حصلت لي في قرية سويسرية صغيرة جدا، تعداد سكانها كام ألف ما يوصلوش عشرة، واسمها بودري في مقاطعة نيوشاتل ( برضه).
كنت جايب معايا – من مصر – مجموعة أفلام قصيرة، متصورة بكاميرا 8 مللي، من أعمال أخويا اللي كان بيدرس ايامها في معهد السينما، واللي بقي دلوقت شاعر ومخرج شهير، ندر عمره للكتابة والاخراج للاطفال، واللي هو الشاعر والمخرج شوقي حجاب، وبعد ما تم تحميض الأفلام دي، طلبت من مضيفي يشوف لنا ماكينة عرض 8 مللي نشوفها عليها، وبدون ما يفكر كتير قال لي : الماكينة الوحيدة من النوع ده موجودة عند صبي الخباز، لأنه غاوي برضه صنع الأفلام القصيرة ! إيه رأيك نعمل قعدة مع بعض عشاق السينما في القرية، ونشوف فيها أعمال اخوك وأعمال صبي الخباز، وعجبتني الفكرة، وعملنا القعدة.
ومضيفي كان قسيس بروتستانتي، وكان بيرعي الجالية السويسرية في القاهرة وبعدين في دوالا بالكاميرون، وبقي بعد كده قسيس قرية بودري، كان دكتوراه في اللاهوت، وتلميذ لفيلسوف وجودي شهير اسمه برديائيف، وكان صديق لكتير من المشاهير منهم دورينمات وماكس فريش (من أهم كتاب المسرح في زماننا)، وكان الحاضرين مجموعة صغيرة (حوالي خمستاشر شخص)، من بينهم صبي الخباز الطلياني، والخباز السويسري، ومدير فرع بنك UBS، وطبيب هو الدكتور جينيريه، وده ابن عم لوكوربوازييه (سويسري ومن أشهر المعماريين في زماننا)، وكان عنده ف بيته متحف فرعوني صغير فيه بعض مومياوات الطيور المحنطة، وكسر من أقنعة توابيت فرعونية وقبطية.
ومع عرض الأفلام، ثم مع المناقشات الدايرة بعد الفرجة، اتأكد إدراكي ان دي ناس تانية في عالم مختلف عننا تماما، مع الفرجة أدركت ان أفلام صبي الخباز الهاوي مش أقل (وساعات أحسن) من أفلام أخويا اللي بيدرس دراسة أكاديمية، لأن السينما جزء من ثقافة المجتمع ده، وان المجتمع بيتيح لغير المتخصصين امكانية التعلم في المجال اللي يحبوه، ومع المناقشات، أذهلني التواصل الحاصل بين الحاضرين، برغم اختلاف مستوياتهم الاجتماعية والتعليمية، كلهم بستعملوا نفس المصطلحات وكلهم فاهمين بعض، ومفيش فرق كبير بين صبي البقال واللي معاه دكتوراه، وسألت نفسي : لو قعّدنا دكتور جامعة مع شيخ أزهري مع واحد واخد دبلوم مع خريج مدرسة لغات مع خريج مدرسة ميري، مع فلاح مع مع عامل مع أمي، هل ح يعرفوا يتفاهموا ويتواصلوا، وساعتها حسيت اننا مش عايشين في ثقافة واحدة ولا عصر واحد، وان النظرية الشبهية بتحكم ثقافتنا زي ما بتحكم حياتنا كلها.


انقر هنا لقراءة الخبر من مصدره.