أباظة للنواب: لا تورطوني في التعديات بسبب الانتخابات

استغل رئيس لجنة الزراعة عبدالرحيم الغول وجود وزير الزراعة أمين أباظة خلال اجتماع اللجنة مساء أمس الأول ليطلب منه دعمه في الانتخابات البرلمانية القادمة.. وقال الغول صراحة للوزير خلال مناقشة ضوابط البناء علي الأراضي الزراعية الانتخابات علي الأبواب إحنا عايزين الأمور السنة دي تعدي علي خير أحسن، وانت فاهم وإحنا فاهمين.. وتابع ما حدش قال تبقي البلد سداح مداح بس إحنا عايزين حاجة النواب يروحوا بيها لدوايرهم.. مش الموضوع ده دلوقتي لحد السنة ما تخلص وشهر 10 يعدي علي خير وبعد كده اللي عايزين يلعنونا.. يلعنونا.. وطلب من الوزير أن ينسي أنه وزير ويتعامل كابن عائلة نيابية كبيرة.
وهاجم الغول قانون البناء الموحد رقم 119لما يسببه من أضرار داخل القري المصرية قائلاً:
القانون ده دخل المجلس بالليل.. والعيب مش في الحكومة اللي قدمته.. العيب فينا إحنا وافقنا عليه ودلوقتي بنكتوي بيه.. أضاف لن يأتي نواب أحلي مننا لا أغلبية ولا معارضة ولا إخوان، ورد الإخوان: إحنا اللي هانجيبكوا بعد كده.. وعقب الغول والله ما هاتشوفوها.
ومن جانبه أكد أباظة أنه يريد حماية الأراضي الزراعية من مخالفات البناء التي تتسبب في تآكل الرقعة الزراعية، وعقب بدل ما تلعب لعبة القط والفار.. يا ريت النواب يبحثوا عن حل للمشكلة بما يضمن عدم تدهور الأراضي الزراعية.. وإحنا قاعدين نعمل في قوانين ومش عارفين نوقف التعدي.