«ريهام سعيد» تقول لمواطنة: «إنتى معندكيش دم»

استمراراِ لحالة الجدل التى تتميز بها ريهام سعيد لتثبت أنها مازالت على الساحة واستمراراً للعشوائية فى تقديمها واستخدامها للشاشة لتصفية حساباتها على من يخالف آراءها دون وجود أى ضوابط من إدارة قناة النهار تعود إلينا ريهام سعيد من جديد بمشكلة حتى يتصدر أسمها مواقع التواصل الاجتماعى والصحف والمجلات.
حيث هاجمت ريهام سعيد إحدى السيدات بعد تهكمها عليها فى منشور على صفحتها على «فيس بوك»، قائلة لها: «أنتِ معندكيش دم».. وقرأت الإعلامية رسالة نقلتها سيدة تعمل بجمعية الأورمان عن سيدة أخرى إلى زوج الإعلامية على ال «فيس بوك»: «واحدة بعتت البوست ده: الفنانة الإعلامية الكبيرة القديرة، ريهام سعيد مقطعة نفسها وبتستغيث وبتناشد كل أهل الخير عشان تنقذ الأطفال وتعملهم عمليات قلب فى تركيا.. وعشان دموعك غالية علينا قوى الحمد لله فى جهة عاوزه تتكفل بكل حاجة العمليات هتتعمل فى أحسن مستشفيات مع أحسن دكاترة، هل ممكن ألاقى حد ليه دلال على النجمة ويقولها توفر دموعها وتجيب الأطفال عشان نحدد مواعيد العمليات؟».. وعلقت «سعيد»: «لو البوست ده وصلي، وهو وصلى لأن الحمد لله صحبتك بتاعة جمعية الأورمان وجبت معاكِ، وبعتتلى البوست، أنتِ كدة عايزة تعملى خير، هى دى اللغة اللى أنت اتعلمتيها فى بيتك، اللى أهلك علموهالك عشان تعملى خير، أنا مقطعة نفسى ودموعي، يعنى أنت بتتفرجى على برنامجي، بتابعينى ليه، ولو أنا مقطعة نفسى ودموعي، أنت مالك».. وأضافت: «أنا لما بكيت بكيت عشان احنا فقدنا طفل اللى كان المفروض يسافر، إذا كنتِ أنت معندكيش دم إلى درجة إن أنتِ مش حاسة إن أنا قعدت مع الولد ده ووعده إنه يسافر.. وملحقتش أسفره، أنت شايفه إن الولد ده ميستحقش إنى أقطع نفسي، يعنى أنا مش عارفه أنا قطعت نفسى فين ولا خدت كلينكس من بيتكوا عشان أمسح دموعى بيه ولا إيه».