القبض على أبلة «فاهيتا» بتهمة إدارة التفجيرات

فى احدى قنوات التليفزيون قام المحلل السياسى الكبير بفضح المخططات التى تنوى الجماعات الارهابية ان تقوم فى مصر بمساعدة احدى شركات المحمول بعد ان قامت بعمل اعلان الهدف منه هو ارسال رسائل معينة للاشخاص الذين سيقومون بالقيام بعمليات تخريبة فى مصر.
1 - واوضح ابو لمعة انه فى اول لقطة تظهر شجرة الكريسماس وعليها حرف يشير للاناركيين وافتعال الفوضى وفى الناحية التانية كرة حمراء ترمز لقنبلة او تفجير يوم الكريسماس.
2- فاهيتا بتقول «فكيتى فريزر يا بطة، فريزر بيقولوا السائعة دى ماتشفتش من أيام الدليسبس» فاهيتا بتمثل جماعة الإخوان، أو الشخص اللى بيدير التفجيرات اللى بتحصل، «السائعة» بتمثل الأحداث اللى بتحصل لجماعة الإخوان، وإنها محصلتش من أيام «الدليسبس» الدليسبس المقصود بيه جمال عبد الناصر بما أنه صاحب قرار تأميم القناة، وهو اللى كان بيحط الإخوان فى السجون.
3- ظهرت كارو بعد ماكانت بتدور على الشريحة، والشريحة فى الإعلان بترمز لأدلة إدانة مرسى وتورطه مع أمريكا فى قضية التخابر، وفاهيتا بتقولها «فتشتى البالطو البيج» واللى بيرمز للجيش أو المخابرات، وبعدين بتقولها «روحى دورى فى رف الببلوهات» المقصود بيها وزراء حكومة الببلاوى اللى عينها البرادعى بمعنى أصح بتقولها شوفيهم قدروا يوصلوا لمكان الأدلة ولا لأ، وبعدين كارو بتهمس، وبتقول «بودى كل شريحة» بودى تقصد بيه الببلاوى على حسب تويته لكارو كانت بتقول «بودى عمل قانون تظاهر على روحه» يعنى الببلاوى عمل قانون التظاهر مجبر بسبب الضغط اللى كان عليه من وزير الداخلية. أما «بودى كل شريحة» فتقصد بيها محاولة بودى لإخفاء أدلة إدانة مرسى.
4- فاهيتا بتقول «دى كركورة بتبرطم على شريحة المرحوم مش لقياها؛ شريحته من قبل ما يبقى مرحوم» كلمة المرحوم بتشير لمرسى لأنهم هيحاولوا يغتالوه علشان يبقى الشرارة اللى هتعمل 25 يناير 2014 وبالمرة يمنعوا محاكمته وميتفضحوش، أما شريحته فزى ما قولنا إنها أدلة إدانة فى الغالب هو مستند بيدل على اتفاق حصل بين مرسى أو الإخوان وأمريكا. وبعدين بتقول «عليها أوفر وهدايا»، واضح أن فى مكافأة لو توصلوا للشريحة أو الأدلة.
5- وبعدين بتقول «لاء شدوه قبل ما يقولى دافس الشريحة فين» شدوه يعنى حبسوه من غير ما يعرفها مكان الأدلة اللى بالتأكيد تم ضبطها.
6- وبعدين بتقول «ريكس بوليسى بيجى يشمشم ويطلعلك الضايع وبياخد نسبة» وده إن دل فهو بيدل على اختراق أمنى فى الداخلية وشوفنا نفس الموضوع حصل لما تم اغتيال محمد مبروك الضابط المسئول عن قضية هروب مرسى من وادى النطرون، فأكيد تم دفع رشوة لذوى النفوس الضعيفة، وده المقصود ب «بياخد نسبة»، وبعدين بتقول «دورلى فى كل حتة بس طلعلى فردة صندل كانت ضايعة» وده فى الغالب بيشير لحادث اغتيال الضابط محمد مبروك. 7- فاهيتا بتقولها «فتشتى فى لكلوكه الأسمر» ودى ممكن تشير للشرطة، «طيب محفظة الكروكوديلا» ممكن ترمز لمنزل أو مكتب وزير الداخلية، «مخبيها فى الطقم الدراكولا» ممكن ترمز للأمن الوطنى.
وفى نهاية المشهد، ظللت شجرة الكريسماس باللون الأحمر واللى بيشير للدم ولضحايا التفجير اللى ممكن يحصل فى أحد الكنائس فى احتفال رأس السنة الميل، وصرح المحلل الكبير بانه قام بتحرير محضر للمطالبة بالتحقيق فى هذه الوقائع وقد قامت مباحث امن الدولة بالقبض على ابلة فاهيتا واحالتها للنيابة للتحقيق وامام النيابة قامت مجموعة من المؤيدين لماما فاهيتا بعمل مظاهرة امام مقر النيابة وقامت خوخة ونمنم برفع يافطة مكتوب عليها الحرية لماما فاهيتا كما قام المحامى الشهير بوجى بحضور التحقيقات مع ماما فاهيتا واعلنت قنوات سبيس تون وطيور الجنة وكوكى وقف بثها لحين الافراج عن أبلة فاهيتا.