نشطاء:«أهلا بالانقلاب العسكري»

بعد إجهاض جميع المحاولات لإقناع شباب الإخوان والجماعات الإسلامية من أن ثورة التصحيح 30 يناير انقلاب شعبي وليس عسكري .. ارتضي نشطاء فيس بوك وتويتر بالمسمي الجديد لانتفاضتهم الشعبية التي وصلت بأهل الكفاءة إلي مواقع القيادة فجعلت من البرادعي نائباً للرئيس وحسام عيسي وزيرا للتعليم ودرية شرف الدين وزيرة للإعلام .. رافعين شعار أهلا ب»الانقلاب العسكري» ..وكان من أبرز تعليقاتهم الساخرة علي مواقع التواصل الاجتماعي فيس بوك و تويتر:
المهم مصر تحررت من خاطفيها المافيا الدولية ( الاخوان ) وعادت مصر لأهلها ..المصيبة بقي ياخد الكلام ده كوبي واحد من بتوع صفحات الإخوان ويقولك شوف باعترافاتهم أسماء الانقلاب العسكري (ممكن يجيلي شلل سباعي وقتها.
يسقط يسقط حكم العسكر..» كابتن كابتن الرئيس مستشار يعني مدني مش عسكري».
يسقط يسقط حكم العسكر ..»ونائب الرئيس مدني برضه».
يسقط يسقط حكم العسكر ..»حازم الببلاوي مدني برضه».
يسقط يسقط حكم العسكر ..»طيب وبالنسبة للوزراء السيدات في الحكومة عسكر برضه».
يسقط يسقط حكم العسكر.. «تصدق انك مقطف وخروف فعلا».
يسقط يسقط حكم العسكر ..» فيه انتخابات في أقل من 6 شهور ودستور هيتعدل عشان يبقي دستور مدني».
يا جماعة أنا جتلي أخبار دلوقتي من ناس في رابعة بيقولوا انهم مستعدين يفضوا الاعتصام بعد رمضان بس ليهم حبة مطالب الاول هي.:
- عدد 200 صاج كحك وبسكوت
- عدد 500 منقاش نحاس لتشكيل الكحك.
- لوز عشان الغريبة
- فانيليا تاج الملوك
- ريحه كحك
- مكنه بسكوت
- 3 علب سمنة بلدي
- 5 كيلو سكر سنترافيش