واحة الشعر

يسيل بجوار النيل فى بر مصر نهر آخر من الإبداع ... يشق مجراه عبر السنين والأجيال داخل نفوس المصريين ... فى سلسلة لم تنقطع ... وكأن كل جيل يودع سره بالآخر ... ناشرين السحر الحلال ... والحكمة فى أجمل أثوابها ... فى هذه الصفحة نجمع شذرات من هذا السحر ... للشعر ... سيد فنون القول ... الذى يجرى على ألسنة شابة موهوبة ... شاركت مع فريق «روزاليوسف» فى تحرير هذه الصفحة بمشاركاتها على

rosareaders@gmail.com

قصيدة معازيف

توج كلامى بالسلام بعد الصلا

وابدأ حكاية بنت سمرا مأصلة

يا مهجة الواد اللى عانى من السفر

يا رحلة السيف اللى حارب ما انتصر

مزك وسمع غنوتى للناس

واغزل فؤادى ويا حب الماس

قلبى اكتفى بالوجع ولا أنتى فيه بعدك

يعنى انتى آخر وجع ولا الوجع موصول

يا عرافات الودع يا سادة التنجيم

باب الحزين اتقفل ولا ف روايته فصول

أنا شوفت ناس حبوا داقوا الهناوكاسه

كان الحبيب يدخل ويشد ترباسه

يشرب نهاره عسل وف ليله يسقى الحبيب

غابت شموس البشر وشمسهم لم تغيب

حبيت أخطى العتب يمكن يكونلى نصيب

قاللى زمانك جبر والجرح ليه ناسه

واحدة ورا واحدة تضرب وتتكه

تحرق ف قلبى غيطان وتسيبنى باتشكه

قسما بصوت الوجع وبدمدمات الآه

رع الأنين منكوا يحرق جبال عكه

ليه تطلعى منهم واديكى تدبحنى

وأنا اللى فاكرك ملاك نازل يريحنى

دانتى اللى زورتينى وشفتينى وأنا محنى

ودخلتى ضلمايا وكشفتى اسرارى

وقعدتى جوايا وهويتى على نارى

خليتى قلبى حرير من بعد ما اتحجر

وأخدت دور الأمير اللى بنى وشجر

جايانى ليه تسألى وتحكمى القاضى

والماضى واحد بصم على قلبك الدوار

ما تتمحى بصمته حتى بميه نار

ينام فى حضنك ليلاتى جنه يتسخر

ما بيطرده زارك ولا ميت فقى يبخر

سوقت الجمال للدار ما القطر عدانى

وإن كان فى قلبك بطل أنا هبقى دور تانى

عماله تتمنظرى بحبى وتتعايقى

وان حد جابسيرته تبكى وتتدايقى

تبكى على غنوته وتتحزمى بيا

والغنوة تفضل فى ودنك وأنا إتخلى بيا

ما تكسريش الشراع اللى ف عغيدانه الريح

دى مراكب العشاق مالهاش مراكبية

ولا تنفع القباطين تتخم فى ضمانك

هو اللى ف إيده العلامة وهو قبطانك

وأنا اللى حبيتك ما سكنت جواكى

يمكن عيار الهوا صابك ما دواكى

ما سواكى ما لواكى ما خلى الصورة تضحكلى

وخلى الدنيا فى عنيا بتتمسخر على شكلى

قومى اركعى للقدر هو اللى مكتوبك

حكم المداوى أمر ما تغيرى توبك

وأنا مش فتى أحلام كل اللى شايف زور

باسرح وأهاتى كلام والأرض عته وبور

لاهى طارحه بساتينك ولا كنتى فيها زهور

وما جاتش على جنتك ياما الزمن بيجود

يكفينى من طلبتك ينهش فى قلبى الدود

يكفينى من بصتك رغم أنه فى الننى

بتعيشينى نعم بس الكفن موجود

مليتى كلمة بحبك سجدتى وبتحلفى

جايانى آخر المطاف حبك فراغ عاطفى

يا عازفين الهوا يما كمنجواتيه

حبى مالوهش دوا قلبى ماله ديه

طوفت البلاد أشتكى رسيتنى على أرضها

وأنا لما حنيتلها باعت أراضيها

شعر- كريم مقلد



كل البنات فجأة

ماشى لوحدى

الساعة حداشر ونص صباحا

فى شارع شامبليون

كل البنات فجأة...

بيشبهوا البنت اللى كانت فى ايدى امبارح

لحظة ما كان القهوجى بيرص الشيشة

وبيبص ناحيتنا بنص عين..ويمصمص شفايفه

والزبون قاعد يبص باستغراب

كان قلبى ساعتها متوهج

وبيعزف مزيكا أشبه بالدانوب الأزرق

ولسانى كان معقود

بايدين الجن اللى نساهم (طلعت العزب)

قاعدين فى حلقى ...

لما جت سيرة (نجلاء)

وانكمشت فى عنيه الدنيا

لكن البنت (سلافه) كانت حسانى كويس

ولذلك .. كانت حاسة بالزهو

ومتأكده انى راجلها...

وانها مالية عنيه

فاكر دلوقتى...

انها دخلت صدرى من غير استئذان

ساعتها ما فكرتش غير...

انها بنت عادية

ح تاخد من عمرى شوية وتمشى

وأنا ح أرجع أدور تانى

عن بنت .. عادية.. جديدة

يقدر برده تدخل صدرى

مشهد بيتكرر من خمستاشر سنة

المرة دى...

حاجة غريبة بتحصل

بنت فى ايدى

فى شارع شامبليون

المشهد ثابت

مع ان الدنيا بتتحرك

والعالم .. بيمارس نفس طقوسه اليومية

شعر محمد حسنى توفيق

باب واحد لعصفورة واحدة

أى رائحة من بخورٍ تقرب بينى وبين الملاك الجميلِ

الذى عتق الوجع البربرى بقلبى

وحط مناقيره فوق كفى

وقال

المواويل أول لى وابتداء الخطى نحو درب ٍ

يشى بالندى

هل ملائكة حين أدلفُ

من موجة فى العيون إلى موجة؟

أم بدايات أغنية رشرشت رعشة فى المريد ِ؟

دعينى أحبك سرا لحين انبعاث لغات مؤلهة ٍ

تصطفينى لها موتةٌ أو صباح فسيح ْ

بسطاء ككسر الثوابت نحن ُ

فصبى النوارس فى صوتك الحلو

كيما تهل على رئتى نسمة من فمك

(مرسلا صرت حين احترقت بنارى)*

وصار الذى كنته أزلا كائنا ومريدا

يساقط من رأسه موضعا لي

وصبحا يهل على ركبتيك

وبعض شموس

تمارس نوعا من اللهو بين الحنايا

تصيرين نورا

فنعلن عن ثورة من غرام عنيف

ونعمل حين يصير الغرام نهارا

أجيرين فى حنطة ٍ

كنت حين زرعت البذور استعنت بعينيك

ثم بدأت وحيدا يغني

لعينين غائمتين وزرع يجفٌ

فما ذا الذى يصطفى قلبى المستريح على جمره ِ

ثم يدخلنى فجأةً

إننى واثق من دوارى

وأرضى التى بذرتها العيون الجميلة فى نظرة ٍ

فادخلى يا

سأفتح بابا لعصفورة وتنهبنى أغنيةْ

شعر - السعيد عبد الكريم

مدح الحبيب

غزلتُ من الهوى شوقًا بورْدٍ

سهرْتُ الليلَ يَصهَرُنى حنينُ

إلى رؤياك نسجٌ من خيالٍ

كهيمِ الروحِ يشتاقُ الجنينُ

رياحُ العشقِ تحملنا هُيامًا

نسيمًا فى رياضك نستكينُ

وذكْرُ منازلِ الأحبابِ تدنو

إذا ما يعتلى نجمٌ يبينُ

حبيبُ اللهِ منزلةٌ سلامٌ

به الإسلامُ يا بشْراه دين ُ

وللأديانِ نوُرٌ من قطوفٍ

وبالآياتِ جئنا نستعينُ

مبشّرةً ؛ رسولُ اللِه فينا

ونصرٌ فاتحٌ من يستهينُ ؟!

فإن خُيّرتَ فاخترْ ذا إمامًا

هو الإشراق سطّره جبينُ

أيا شمسٌ رأيتكَ فى منامى

فمن للبدرِ إذ حضرَ الأمينُ؟

شعر- نادية مدين



شريك

يعنى إينه كلمة شريك؟

يعنى حد تمللى جنبك

حد قلبه عليك بحبك

دق قلبه، يحسه نبضك

يعنى عكازك فى ضعفك

تبقى ضهره.. هو سندك

يعنى حد يخاف عليك

يعنى إيه كلمة شريك؟

يعنى بيه صحبة ولمة

نبرة صادقة ف كل كلمة

يعنى لمسة ايد وضمة

يعنى حزمة نور فى ضلمة

شمس طالة.. ركنة ضلة

لما تتعب تحتويك

يعنى إيه كلمة شريك؟

يعنى لما يغيب تحسه

لو بعيد بتعيش بحسه

تلقى حسك هو حسه

تلقى روحك ساكنة نفسه

تلقى نفسك رهن نفسه

تسمعه لما يناديك

يعنى إيه كلمة شريك؟

يعنى عشرة وقلب حانى

يعنى شارى، وشارى تانى

يعنى روح سمحة وتفانى

والمودة تفيض أمانى

أما فى الإخلاص أنانى

لو بعمره يفتديك

الشريك يحمى، يصون

لا يجرحك ولا يوم يخون

عزوتك، درع وحصون

واما يضعف يقوى بيك

تنجده.. لو فين يكون

يقصدك.. تبقاله عون

ستر وغطا، رمش وجفون

يرمى حمله بين ايديك

الشريك رحمة وحنان

طوق نجاة.. شط وأمان

قلب عمران بالمحبة.. وسعه ما يحده المكان

يبقالك واحة ومرسى وتبقى عونه ع الزمان

عمره رحلة بتحلى بيك

هو ده يبقى الشريك

شعر- إيمان الهوارى