الزمالك للأهلي بعد ضم حمودي: "إنتوا بتخبطوا في الحلل"

تحت عنوان "بالهنا والشفا"، وجهت مجلة الزمالك رسالة للنادى الأهلي، بعد الأنباء التي ترددت مؤخرًا حول التعاقد مع أحمد حمودي، لاعب الأبيض، خلال موسم الانتقالات الصيفية.
ونشرت المجلة تقريرًا بخصوص رحيل حمودى، جاء على النحو التالى:
"بيقولوا خلصوا مع حمودى.. طيب بالهنا والشفا.. كلوه ومصمصوه.. بس لازم نفكرهم أنه كان عندنا بديل بينزل آخر 10 دقائق.. أوعوا تنسوا الحكاية دى.. اللى معناها أن أقل واحد عندنا أحسن من كتير عندكم.. بدليل واحد مبيلعبش وكان بيتحايل علينا يلعب ونقول له أنت لسه صغير يا واد.. دلوقتى طالعين بيه السما وعملتوا حفلة عشان اتعاقدتم معاه.. والله الزملكاوية كده استريحوا واطمنوا على نوع صفقاتكم.. ده دليل على أنكم بتخبطوا فى الحلل ومفيش حاجة لها قيمة هتوصلكم.. لو كنتم جايبين حد تانى يستأهل توفروا له الحفلة.. عموما مرة تانية بالهنا والشفا".