فتاة تثير الجدل بطلبها حيوانات منوية للحمل دون زواج مقابل حزمة دولارات

بعد أيام من قضية هدير مكاوي..

لم تمر سوى أيام على قضية هدير مكاوي التي أعلنت إنجاب طفل عن طريق علاقة زنا، وقررت مواجهة الأمر بإشهار الإبن أمام الجميع بعدما رفض عشيقها الاعتراف به، حتى انتشرت عبر مواقع التواصل الاجتماعي فيديو لفتاة تدعى "شيريهان نور الدين" أثارت الجدل بسبب بحثها عن متبرع بحيوانات منوية.
ودشنت الفتاة صفحة باسم "بشتري راجل" على موقع "فيس بوك"، وقالت: "من امبارح بالليل في هجوم رهيب على صفحتي الأولى بشتري راجل والنهاردة حسابي اتقفل .. أنا عملت صفحة جديدة ولسه مكملة".
وأضافت: "أحلى حاجة في الدنيا الأطفال لو أقدر كنت جبت دستة.. بس أنا ماتجوزتش قبل كده، ولا عايزة أتجوز.. أنا ناجحة جدًا في حياتي العملية، عايشة عيشة مريحة ومش محتاجة حد يسندني ماديًا.. بس بخاف قوي من الوحدة الحل الوحيد اللي قدامي إني أبقي أم".
وأوضحت: "إبتديت أسأل على موضوع تجميد البويضات علشان أطول المدة اللي أعرف أحمل فيها، المهم وأنا بعمل تحاليل اكتشفت إن عندي مشكلة بتخلي نسبة حملي 40٪ وإن كل ما الوقت بيعدي، فرصتي في الخلفة بتقل".
وتابعت: "قررت إني أعمل عملية تلقيح صناعي مع شخص مستعد يتبرع بحيوناته المنوية بمقابل مادي.. الموضوع هيمشي رسمي: مأذون.. أنبوبة معمل.. أنا بس عايزة طفل من غير لا غرام ولا انتقام".