ارتفاع جنوني في أسعار فواتير الكهرباء بالإسكندرية

شهدت قرى الطريق الصحراوي التابعة لمنطقة غرب النوبارية وشرق مدينة العامرية في محافظة الإسكندرية ارتفاعا كبيرا في فواتير الكهرباء؛ حيث تجاوز بعضها آلاف الجنيهات، وسط سخط شديد من الأهالي على الحكومة.
وفي تصريحات خاصة ل"رصد" قال أحد المتضررين: "أنا راجل فاتح محل وشغال على أكل عيشي في القرية هنا، واللي بيجيبه المحل بصرفه على بيتي وبدفع الإيجار والحال ماشي الحمد لله، اتفاجئت الشهر ده بمحصل فواتير الكهرباء بيقولي عليك فاتورة بقيمة ثلاثة آلاف ومائة وثمانين جنيه، أنا اتصدمت ومعرفتش أتكلم، هو أنا بكسب كام عشان فاتورة كهربا توصل المبلغ ده".
وأضاف قائلاً: "محصل الكهرباء كل شويه يهددني إنه يعمل مذكرة إني مش عايز أدفع، وبيقولي إن هتبقى قضية أمن دولة لأنه هيقول إني بشتم في الحكومة، ولما رحت شبكة الكهرباء أسأل إن كانت الفاتورة صحيحة أو أعمل أي محاولة عشان أخفض المبلغ شوية، محدش عبرني وقالوا ادفع الفلوس الأول وبعدين هنبعت لجنة تشوف العداد لو فيه غلط في القراءة، وأنا دلوقت مفيش فلوس، هجيب لهم منين، حسبي الله ونعم الوكيل".
وقال آخر: "فاتورة الكهرباء الشهر ده جاية 850 جنيه، للبيت اللي انا ساكن فيه، واهو زي ما قال الريس بكره تشوفوا مصر"، مضيفا: "ما هو طبيعي لما رئيس الدولة يطلع يقول للناس صبحوا مصر والهبل ده، اننا نلاقي الفواتير كده، الله يخرب بيتهم وينتقم منهم".