"مغردون" يكشفون عن بيع قطع من الأهرامات للسياح بألف دولار

تداول رواد موقع التواصل الاجتماعي، منشورًا لأحد المغردين، يكشف خلاله عن بيع قطع صغيرة من الأهرامات بأسعار قد تصل لألف دولار للقطعة للواحدة.
وقالت المغردة فاطمة عابد: "إمبارح مصطفى حكالي إن واحد صاحبه كان بيصور في الهرم لقى الناس اللي بتصطاد الناس اللي داخلة الهرم بيبيعوا حتت من الهرم بألف دولار الحتة وكمان بيكسرها بنفسه بشاكوش قدام السايح "إن وجد" عشان السايح يتأكد إنه مابينصبش عليه".
وأضافت -عبر منشور لها على "فيس بوك"- "المعلومة مانيمتنيش طول الليل!! هو احنا ممكن يجي علينا يوم نقول لولادنا وأحفادنا "وهنا بقى كان في هرم بس خلص"!!".
وكتب Mostafa Youssef: "الكلام من مدير إنتاج كان بيصور هناك، وقال كمان إن بتوع نزلة السمان قالوا إن ده عشان رزقهم اتقطع من بعد الثورة ومعندهمش مصدر دخل تاني".
وأضاف -ردًا على المنشور- "أنا متوقع إن لو حد راح هناك يومين من غير ما يسأل على حاجة هايلاقي ده و..".
وعقبت Nermin Nizar Serhan: "ممكن ودا حصل في جبل الكريستال في الواحات البحرية".
لم يتسن ل"رصد" التأكد من صحة ما جاء بالمنشور.