فيديو.. أحمد ماهر ل"باسم فتحى":"فضحتنى"

أذاع الكاتب الصحفي عبد الرحيم علي، في برنامج الصندوق الأسود الذي يذاع على فضائية القاهرة والناس،محادثة خاصة بين الناشط السياسي أحمد ماهر وباسم فتحي ..
أحمد ماهر: إمبارح كان عزيز ووليد بيشتموني علانية قدام الناس، وشتايم في منتهى "......" وبيقولوا إني رغم كل شتايمهم هاسمع كلامهم برضه وهانفذ كل اللي عايزينه، كذا حد حكالي دلوقتي بيتكلموا بثقة كبيرة وضياء بيقول إن كل صحابي باعوني وبيقول إن فيه حد أنا فاكره صاحبي هو اللي بينقل الكلام ممكن يكون جَدْ وممكن هزار بس الأكيد إن كل الفضفضة اللي انت عملتها مع "سميح" وصلت مصر بحذافيرها، ضياء بيقول اللي يفصل التاني يكسب وبيقول إنك قلت لسميح على فكرة إنشاء حركة جديدة وكل كلامك معاه انتشر.
باسم فتحي: سميح ده إبن ....
أحمد ماهر: بص يا باسم كل السكك منفدة على بعض، وضياء بقى فعليًا في إيده رسايلنا وكمان رسايلي مع شريف منصور عن حوار المنح الصغيرة وعرف موضوع أحمد صلاح بتفاصيله وبيحضروا لمؤامرة و"..." ليا، أعتقد إن حوار الحركتين لازم يتم بسرعة جدًا أعتقد إنه هيبقى الجمعة بعد المجزرة.. علشان خاطري يا باسم أوعى تثق في حد لا أحمد صلاح لأنه عنده بعض العقد وبيحكي لعادل وعادل أهبل، ولا سميح لأنه مش نضيف ولا لأي حد، وقول لولاد ...... بتوع فريدة إن فيه ناس من عندهم بيسربوا وثائق
باسم فتحي: أنا مش مصدق اللي بيحصل ده كلامك يقود للجنون، ساعات أحس إن حد بيفتح رسايلنا وإيميلاتنا وساعات ممكن تكون صدف.. رسايلك مع شريف عن المنح الصغيرة! إزاي دي؟! دي مخرجتش منك خالص فاهمني.. "..." بعدين وضح والنبي تفاصيل أيه عن أحمد صلاح؟
باسم: سميح نفسه ميعرفش إن أحمد صلاح 6 أبريل، هو يعرف بس إنه صديق كان عندي في الشقة زي ما هوه نفسه كان عندي في الشقة، عمومًا.. في المرحلة دي مش هأثق في أي حد، جمد الجروب وطلع البيان.