الكهرباء ضيف خفيف على أهالي سوهاج

مواطن: مصبرناش على اللي بيقطع النور ساعة جالنا اللي بيجيبه ساعة

فى الوقت الذى باتت فيه الكهرباء مقومًا أساسيًا من مقومات الحياة، إلا أن معاناة الأهالي من الانقطاعات المتكررة فاقت التوقعات
فتشهد محافظة سوهاج وقراها انقطاعات غير مسبوقة للتيار الكهربائى، قد تتجاوز فى بعض الأحيان 8 ساعات على مدار اليوم، مما يتسبب في تعطيل مرافق الحياة كافة بالمحافظة، إضافة إلى ضعف التيار الكهربائي قبل انقطاعه، ما يؤثر بالسلب على الأجهزة الكهربائية وقد يتسبب في تلفها، هذا بخلاف غلاء فواتير الكهرباء التى تصدم المواطن - على الرغم من عدم وجودها - وبحسب وصف الأهالي: أصبحت الكهرباء ضيفًا خفيفًا يحل من آن لآخر.
وباستطلاع الآراء، قال "رمضان جاد": النور عندنا يقطع بمواعيد كل يوم، لو واحد مش عارف الساعة كام يقدر يعرفها لما النور يقطع، ومحدش بيسأل فينا.. ليل نهار الكهرباء مقطوعة".
فيما قال "حسن أبو روش": "والله إحنا خلاص فاض بينا، مفيش بيت دلوقتى غير ما بيعتمد على الكهرباء فى كل حاجة، حتى البوتجاز دلوقتى بيولع بالكهرباء بدل الولاعة، فين الحكومة ولا فين الرئيس، بدل ما هو بيعمل مؤتمرات ومحدش بيشوف منها حاجة ييجى يشوف حال الصعيد عامل ازاي؟".
وعبر "محمد بهنساوى" قائلًا: "مفيش غير حسبى الله ونعم الوكيل، مش هنتكلم عن البيوت والكهرباء ولا حاجة، إحنا مش بنسمع تقريبًا غير أذان الفجر والظهر لو أمكن، لأن مفيش إمكانيات إننا نشتري مولدات للمساجد اللى هنا فى القرية، ومفيش بيت فيه مولد، تخيل النور قاطع فى اليوم 5 ساعات، وزيهم بيبقى ضعيف، يرضى مين ده؟".
وأضاف "مصطفى أبو الدهب ": "هو قالها قبل ما يترشح: معنديش.. مفيش.. مش قادر أديك، وهو دلوقتي بينفذ البرنامج الانتخابي.. قطعها علينا نور وميه، وحسبى الله ونعم الوكيل، ما كناش قادرين نصبر على اللي بيقطع النور ساعة، جه اللي بيجيبه ساعة".