العشرات من عمال اسكندرية ينظمون وقفة بمنطقة “محطة مصر” ويدعون للعصيان المدني

نظم العشرات من القوى الثورية والسياسية والعمال بالإسكندرية بمناسبة عيد العمال وقفة فى ميدان الشهداء بمنطقة محطة مصر تحت شعار “عاش كفاح الطبقه العاملة” ، وذلك إعتراضًا منهم على أحوال العمال فى الأونة الأخيرة، ودعوا إلى العصيان المدنى حتى يتم تحقيق أهداف الثورة ومطالبهم كعمال من عيش وحرية وعدالة اجتماعية.
شارك فى الوقفة حركة مينا دانيال الإسكندرية – المؤتمر الدائم لعمال إسكندرية – أتحاد عمال مصر الديموقراطى – حزب التحالف الشعبى الإشتراكى – حزب التيار المصرى – حزب الدستورحزب مصر القوية – الإشتراكيين الثوريين – حمله أعرف حقك – التيار الشعبى - حزب الكرامه – حركة شباب 6 إبريل الجبهه الديموقراطية والحركه الديمقراطيه الشعبية .
تم توزيع بيان على المارة نصه كالتالى “دى كانت مطالب ثورة قامت من سنتنين، وبعد مرور السنتين العيشة بقيت خل ف خل، وجاى علينا عيد للعمال، والعمال مطحونة مش لاقيه اللقمة، الأسعار بتولع نار، ومرتباتنا زى ماهى، مصر بلدنا قايمه بالعمال، من حقى اشتغل شغلانه محترمه، بدل ما انا متحنط ع القهوة، من حقى ان شغلتى تدينى اجر محترم يخلينى أكل ولادى لقمة نضيفة، ويلبسوا هدمه نضيفه، ويعيشوا ف مسكن نضيف، واقدر ادفع لهم مصاريف المدرسة، واوفر لهم العلاج السليم، من حقى ان يكون لى نقابة تدافع عنى لما صاحب الشغل او الدولة تفترى عليا، وتخلينى مثلاً اشتغل ف مكان غير امن لا يراعى صحتى، او بمرتب ما يوكلش عيش حاف، من حقى ان التأمين الصحى يكون تأمين بحق وحقيق، يوفر لاسرتى ولى علاج محترم، من حقى انى الاقى لنفسى مكان ابيع فيه بدل ما انا بالف على رجلى ف الشوارع طول النهار، من حقى انى الاقى زملائى العمال الشرفاء اللى دافعوا عنى والمفصولين او موقوفين او محبوسين دلوقتى يكونوا معايا، من حقى انى اتظاهر واعتصم واضرب عن العمل لما صاحب الشغا يفترى عليا، من حقنا كلنا ان الشركات اللى اتباعت برخص التراب بعد ما اخد الحراميه الكبار العمولة من تحت الترابيزة واللى رجعت باحكام القضاء اننا ناخدها تانى، من حقنا احنا الغلابة ما يتاخدش مننا جباية ويسموها ضرائب”.