شاب يبحث عن والدته بعد أن فقدته منذ 23 عامًا: «أنا كبرت يا أمي وبتمنى من ربنا أشوفك»

نشرت صفحة "أطفال مفقودة"، رسالة من شاب يدعى أحمد، فقدته أسرته منذ أكتر من 23 عاما.
وقال في رسالته: " اسمي احمد ويمكن ميكونش اسمي..، انا احمد يا أمي و دي كل الصور اللي عندي وانا صغير واللي قدرت احافظ عليها طول سنين فراقنا على أمل أنك تعرفيني لما تشوفيها، انا تايه منكم من اكتر من 20 سنه والناس الي ربتني لقتني في محطة مترو المطرية وفي علامة في ايدي اليمين بين صوابعي زي ختم بين الصوابع وعلامة تانيه في صدري انا كبرت يا أمي واتعلمت وعندي 26 سنه دلوقتي … كل اللي بتمناه من ربنا اني اشوفكم وارجعلكم تاني واملي في ربنا كبير".
وبحسب الصفحة، فإن أحمد تم العثور عليه بين 1990 و 1992 في محطة مترو المطرية، وكان عمره وقتها بين 3 و 5 سنوات.
وناشدت الصفحة، أي شخص يمتلك معلومات عن عائله فقدت ابنها في ذلك الوقت بالتواصل مع الصفحة.