كتبت : منى ياسين ... بعد كل اللى شوفناه من السادة الأفاضل اللى سحبوا أوراق ترشحهم لرئاسة الجمهورية (أنا عاوزه أؤكد بعض المرشحين يعنى مش كلهم) وازاى أصبح هذا المنصب ملطشة لكل اللى رايح واللى جاى، حسيت وقتها إن المخلوع - الله لا يرجع أيامه - هو اللى باعت الناس دى تأكيداً على مقولته اللوذعية (أنا أو الفوضى) وطبعاً الفوضى عند سيادته مش بس فى إطلاق البلطجية على شعبه زى ما عمل فينا يوم 28 يناير لأ (أبسلوتلى) على رأى اللمبى، لأن الفوضى أصبحت فى كل شىء، يعنى لما يبقى حد مش عارف حاجة فى أى حاجة، وعايز يبقى رئيس جمهورية مصر العربية تبقى هى دى الفوضى بعينها، ويبقى زى اللى بيقول هو كام بيروح فين.. وبناءً عليه قررت أنا بعد اللى شوفته بعينى إنى أبقى رئيس جمهورية نفسى.