تسالى العيد

لب وحمص وسودانى آهى هِىَّ دى فطرة رمضان
وبلح.. أمهات.. وصوانى دا - بقى.. موش لياَّ.. كمان
وحاجات تانية.. عاجبانى ذَغَرِتْ لى مراتى.. جبان
دا ياميش إيه دا.. يا علوانى دا كأنه جاى إحسان
على غير العادة.. مراتى سمعت لى كلام وحديت
قلت لها: ياللا ياروحى راح نخرج سوا م البيت
نتفسح فسحة ملوكى سألتنى؟ نروح.. ال.. غيط؟!
قلت لها: لا يا عيونى أنا شوفتك اتغديت
لفينا على محلات.. ياما ومسكنا قمر الدين مع لوز
والفستق جوز هند كرامة والبلح الأبريمى بقى كوز
أصناف غالية.. سايبة علامة والريق يجرى ومين هايعوز؟
وولادى شايفينى بقامة بيعاينو أحلى مهموز
فى العيد طبعاً جبت لهم إيه ترمس وحرنكش وسودانى
والحلبة المبلولة يا بيه؟! حطيت لهما حمص م التانى
وبتدعى مراتى قال إيه أنا مجنى عليا أم جانى؟
الدنيا يا عالم جرى فيها إيه لو جانى فلوس أفجر تانى