نحن جئنا " المصريين "لا نعلم من أين ولكننا آتينا (2)

كتب :عزة سليمان بعد ما وضحنا أصلنا وفصلنا، هيطلع لنا ناس تقول أصله مافيش نقاء كامل للجنس وحصل تزاوج وترحال إلي آخره حتي يوزع شرف الحضارة المصرية علي الكل وماحدش أحسن من حد
استكمالا للمقال السابق ردا علي من يدعي أن أصلنا يمني وأحيانا كيني المهم أن الفراعنة يكونوا مش مصريين ، ولكننا ولكنهم مصريون ، شاء القدر أن نكون مصريون أصحاب أول حضارة في التاريخ حضارة المصريون الفراعنة ، وأن يكون أصلنا مصري فرعوني من عشرات الآلاف من السنين ونفتخر، بأيدينا وبضوافرنا سجلنا أول تاريخ مكتوب من علي الأرض الطيبة دي اللي سميناها إحنا المصريون من آلاف السنين مصر.
إحنا المصريون ، أنجزنا وسجلنا حضارتنا المصرية الفرعونية اللي ترعرعت ونورت الدنيا الضلمة بره مصر، من علي الأرض دي أرض مصر الحضارة ، وإحنا إيه النهاردة إلا امتداد وتواصل غير منقطع لحضارتنا الفرعونية ولو كره الكارهون ، وما الحضارة الغربية النهاردة إلا امتداد وتواصل لحضارتنا المصرية الفرعونية.
بعد ما وضحنا أصلنا وفصلنا، هيطلع لنا ناس تقول أصله مافيش نقاء كامل للجنس وحصل تزاوج وترحال إلي آخره حتي يوزع شرف الحضارة المصرية علي الكل وماحدش أحسن من حد ، ولكن ... إحنا المصريون حتي اليوم لا نميل للاختلاط عن طريق الزواج من شعوب أخري ، دي طبيعتنا من آلاف السنين معروفة ، حتي الناس اللي احتلونا وكانوا بيستعبدونا علي أرضنا طالما تمكنوا منا وتحكموا فينا وضمنوا الأكل اللي اتحرموا منه في بلادهم وسرقوا فلوسنا ونهبونا ، تعالوا علينا ورفضوا الزواج منا واحتقرونا وهما عايشين من خيرنا.
وإحنا المصريون كآباء وأمهات لغاية النهاردة بنحب نجوز أولادنا بأقاربنا لو أمكن ، ولو مافيش فنشوف فجيرانا ، لو مافيش يبقي الشارع اللي جنبنا أو الحارة القريبة قدر المستطاع واضعف الإيمان من نفس المدينة عشان لما نجوزهم نخليهم جنبنا عزوة وأمان ، هكذا كنا وهكذا أصبحنا بطباعنا مصريين للنخاع.
يقول البعض إن هناك تزامن في الحضارات ويدللوا علي قولهم بأن هناك أهرامات في المكسيك واللي بسببها الأمريكان اللي مولعين بمصر والمصريين أصحاب الحضارة أكثر من المصريين أنفسهم عرضوا حياتهم للخطر وعملوا مركب بردي وأبحروا مرتان ليثبتوا إننا انتقلنا إلي هناك بالصدفة فاستقرينا وعلمناهم وعملنا لهم أهرامات ، خاصة وأهرام الجيزة أقدم بآلاف السنين.
إحنا المصريين سجلن علي معابدنا إننا أول من دار حول رأس الرجاء الصالح لما كتبنا عن البلاد اللي زرناها " يالها من بلاد تجد فيها الشمس تشرق من الغرب" وده دليل عن إننا لفينا رأس الرجاء الصالح ، فما الذي يمنعنا من الوصول الي المكسيك ولو بطريق الخطأ أو الاستكشاف ، خاصة وإننا عرفنا المراكب الخشبية الشراعية الضخمة من أكثر من 7000 سنة .
أما الحضارة الآشورية اللي بيقال إنها تزامنت مع الحضارة المصرية فحضارتنا المصرية كانت سابقة 1500 سنة تقريبا خصوصا فيما يتعلق بالكتابة عن الحضارة الآشورية حتي الحروف الأبجدية بنجامل فيها الفينيقين علي حساب مجدنا المصري وجهودنا العبقرية ،وبنعلم أولادنا في المدارس إننا أول كتابة في التاريخ ولكن الحروف الفينيقية أول حروف أبجدية ، والمتخصصون في تعريفهم هذا بيدللوا علي كلامهم بأن الحروف الأبجدية لها قيمة صوتية ، وكأن حروفنا المصرية ( المكتوبة بالهيروغليفية وغيرها ) ليس لها قيمة صوتية والكارثة الكبري إن إحنا المصريين اللي بنقول كده.
وزي ما بنعلم الكلام العجيب ده لأولادنا باننا لسنا أول حروف أبجدية ، بنعلمهم كمان في كتب التاريخ في المدارس ان حكام غير مصريون هم أول من أقام مقياس للنيل مع إننا أقمنا مقاييس كتيرة تشهد علي عبقريتنا موجودة لغاية النهاردة من آلاف السنين ، فهل اللي كتب المعلومات دي مش عارف ولا مش فاهم ولا بيجامل الآخرين علي حسابنا إحنا المصريون اللي تعبنا وشقينا وبنينا ، وكأننا متخاصمين مع نفسنا وحضارتنا أو حتي بنكرهها، وعجبي؛
"إحنا المصريون سجلنا أول كتابة في التاريخ ، وبكتابتنا سجلنا أول وأقدم حضارة في التاريخ ، ولو ظهر من هم ،، أقدم ،، وأسبق ،، وأعظم ،، وأكثر،، تحضرا منا لمحي علم المصريات علم قائم بذاته كالتاريخ والكيمياء وليس قسم في علم أو مادة التاريخ من كل أنحاء العالم جامعات ومدارس واستبدلونا بمن هم أحق منا إحنا المصريون الفراعنة بحمل اللقب .
Azzasoliman/facebook