شاومينج متحدية "التعليم": مفاجأة لطلاب الصفين الثاني والأول الثانوي الجمعة المقبلة

تحدت صفحة "شاومينج بيغشش ثانوية عامة" وزارة التربية والتعليم، وقالت إنها ستحصل على امتحانات الصف الثالث الثانوي قبل يوم من كل امتحان.
وأوضحت الصفحة في تدوينات: "امتحانات 3ث هتكون معايا قبل اللجنه بيوم وهتنزلكوا علي الصفحه هنا قبل اللجنة ب 5 دقايق و هتنزل للناس علي جروبات الواتساب قبلها بيوم كامل".
وتابعت الصفحة: "ليه هتنزل امتحانات السنه دي علي الواتساب ؟ علشان في حاجه اسمها end to-end، يعني أنا لو حابب أخلي الرسايل باعتنا متشفره هعمل كده و حاليا ده اللي أنا عامله، جروبات الواتساب بتاعتي هما جروبين ل3ث و انا مهتم جداا ان عددهم يكون قليل في الجروب علشان ميبقاش في مشاكل، احنا لو عايزيين نلم منكم فلوس زي ما ناس كتير بتقول .. هندخل في الجروبات كل الناس ونلم فلوس لاكن انا مبعملش كده، وعلشان الموضوع انتشر أوي انا رقمي علي الواتساب أوله كده +1 (631)-63*-7**9".
وأعلنت الصفحة عن مفاجأة لطلاب الصفين الثاني والأول الثانوي ستعلن يوم الجمعة المقبل.