«شاومينج» يكشف تفاصيل اجتماعات وزير التعليم

تسريب مادة الدين قبل الامتحان بساعة

قبل ساعات من امتحان مادة التربية الدينية لطلبة الثانوية العامة، غدًا الأربعاء، والتي تم تأجيلها بسبب تسريبات صفحة"شاومينج بيغشش ثانوية عامة"، إلا أن الصفحة مازالت مستمرة في تحديها لوزارة التربية والتعليم، فلم تكتف بتسريب الامتحانات، بل زاد الأمر بالكشف عن تفاصيل الاجتماعات والمناقشات داخل مكتب الوزير الهلالي الشربيني والذي لم يتم الإعلان عنها بعد.
وقالت صفحة "شاومينج" على موقع التواصل الاجتماعي" الفيس بوك"، إن تسريب امتحان الدين غدًا سيكون السابعة 7:30 قبل الامتحان لمدة ساعة فقط، ثم يتم حذفه من الصفحة، مشيرة إلى أن الامتحان بحوزتها الآن.
وقالت الصفحة للطلاب: "والله العظيم امتحان الدين هيكون معاكو كلكو قبل اللجنة... ودي أقوى ضربة للوزارة... عشان بس لسه عمالين يقولو إحنا أجلنا عشان ميتسربش... أول امتحان بعد التاجيل اتسرب".
وأضافت: "امتحان ‫#‏الدين هو معانا من دلوقتي اصلا و هو متغيرش اصلا عشان محدش يفتكر انو اتغير و كمان مبيكنش لى بديل ... و عارف انتو هتسائلو هينزل امتا ... الامتحان هينزل الساعة 7.30 بالظبط بالاجابة اكيد و اكتبو بقا فى ورق و خشو اكتبو عل الحيطة".
وتابعت: "بردو الامتحانات الجاية هتتسرب عل 5 الفجر قبل الامتحانات بساعات بس هيتساب ساعة فقط و هيتمسح ... عشان ميفكروش ياجلو تانى... بس الكلام دة هيكون فية شرط ... انا عايز كولو يعمل شيييييير و منشن لصحابة عايز البوست يوصل لجراني فى باريس".
وذكرت الصفحة أن "الوزير غدًا سيقوم بتوزيع أوراق ليوقع عليها الطلاب لإعادة الامتحانات جميعها"، ناصحين الطلاب بألا يوقعوا عليها، ساخرة من الوزير بأنه قد علم بالقرار الذي لم يتم الإعلان عنه بعد.
وجاء في التصريح" لعبة الوزير الجديده .. هيجلكوا بكره في اللجان هيدوكو ورق تمضوا عليه اوعي حد فيكوا يمضي عليه .. ده هيبقي اقرار منكوا انكوا موافقين علي ان الامتحانات كلها تتعاد....اهو عرفت القرار يا وزير وانت لسه متفق عليه من ربع سااعه".
وتابعت: "هفضل اف... فيك بردو ووالله مش هسيبك .. المهم خلي بالكوا يا رجاله ويا بنات محدش يمضي ع اي ورق يجيلوا ... لايك بقي ومنشن لاصحابكم علشاان يعرفوا وشيييييير علشان الكل يفهم ويعرف".
سخرت صفحة شاومينج من تصريحات وزير التربية والتعليم التي طالب فيها مساعديه بأن يحضروا رقم تليفون "شاومينج" للتفاوض معه، متحديًا الوزير بأنه لن يستطيع القبض عليه.
وقالت شاومينج" يا ديني ع المسخره ... الحقوا يا جدعان اخر الاخبار والله بجد... الوزير بيقول للناس الي هي شغاله معاه هاتولي بس رقم تليفون الي اسمه شاومينج ده وخلينا نتفاوض معاه ونديله الفلوس الي هو عاوزه ونخليه يتهد بقي ..ههههههههههههههههههههههههههههههههههههههههههههههههههههههههههه تلاقيك دلوقتي بتدور ف الادراج عندك وتحت الكراسي وورا المكتب وبردو مش هتلاقيني واه صح انا مش هسكت لو ادتني ملايين الدنيا كلها انا وراك ومش هسيبك شييييييييييييير وافضحووووووووهم".
وسخرت "شاومينج" من تعليق أحد الإعلاميين بأن القائمين على "شاومينج" تابعين لجماعة "الإخوان المسلمين".
وقالت الصفحة: "شوفته المذيعه وهي بتقول للنائب ان انا من الاخوان اكتر حااجه فصلتني ضحك اقسم بالله ^__^".
وذكرت الصفحة أن وزير التربية والتعليم يحاول الوصول إلي القائمين علي الصفحة من خلال" الجي بي أس"، مشيرة إلى أن تلك الوسائل لن تستطيع التوصل إليه.
وقالت "شاومينج": "الوزير امر مجموعه من الناس بأنهم يتتبعوا البيدج دي عن طريق الجي بي اس المشكله ان الوزير ميعرفش اني بعرف المعلومه قبل ما هو يفكر فيها ... خليهم يتتبعوني هيروحو المكان هيلاقوا ورقه هناك متعلقه مكتوب فيها كده الوزير بتاعكوا ده مش راجل .. ^__^ عااااااااااا ..".
شاهد الصور..