أكدت الكاتبة الصحفية "غادة شريف" - صاحبة المقال الشهير "اغمز بعينك يا سيسي"- أن شعبية الرئيس عبدالفتاح السيسي تتآكل بشكل سريع جدا. وقالت "غادة" في تدوينة عبر حسابها على موقع التواصل الاجتماعي "فيس بوك": "على عكس ما تم ترويجه إعلاميا، الرسالة من زيارة السيسى لمقر الأمن الوطنى كانت رسالة سلبية جدا.. إشمعنى يعنى يزورهم فى ذكرى الاقتحام السنة دى بس؟.. طب ليه ما زارهمش السنة اللى فاتت؟ أو اللى قبلها أو اللى قبل قبلها؟". وأضافت "اقولك أنا بقى يا حمادة.. التقارير الأمنية كلها بتقول إن شعبية السيسى ركبت الحلزونة وبقت فى نزول سريع مؤخرا فيما عدا عند تيتا وجدو كبار السن، وطنط و انكل اللى لهم دخل من أملاك او عمل خاص حيوى زى الدروس الخصوصية و العيادات و الذى منه، و إخواننا المرفهين العاملين بالخارج.. كل دول يا حمادة عاملين زى الست اللى اتطلقت 77 مرة و حتى جوزها الثامن الحالى اللى كانت فاكراه أبو السباع و هتشوف فيه عوض الصابرين طلع ما يتخيرش عن كل اللى قبله؛ لكن هى رافضة تصدق و قاعدة بتقاوح!.. بس حتى دول يا حمادة مسيرهم هيشوفوا الحقيقة اللى إحنا شايفينها.. همّ يعنى هيروحوا من ربنا فين". واختتمت الكاتب المثيرة للجدل تدوينتها ب"المتوقع بقى أن الغضب الشعبى هيزيد خصوصا لما هتترفع الأسعار تانى فى شهر 4 طبقا لتوصيات صندوق العهر الدولى.. فعلشان كده يا حمادة زيارة أمن الدولة دى موجهة ليك أنت بالذات.. علشان لو فتحت بؤك ولّلا زمجرت هنجيبلك فرج.. عارف مين فرج يا حمادة و لا تحب نعرّفك؟".