باسم يوسف: أنا مش نشرة أخبار.. والترحم على الأموات مش واقف على «تويته»

أعلن الإعلامي الساخر الدكتور باسم يوسف عن رفضه للانتقادات الموجهة له لتجاهله التعليق على بعض الأحداث ، مضيفا أنه ليس مطالب بالتعليق على جميع الأحداث، في إشارة لخبر وفاة العالم المصري أحمد زويل.
وقال باسم يوسف من خلال تدوينه له على صفحته بموقع التواصل الاجتماعي "فيس بوك" : "أنا مش نشرة أخبار، مش وكالة أنباء و مش صفحة وفيات، أنا مش مطالب أني اعلق على أي إحداث انت شايف المفروض أني اعلق عليها من أول نزاع في بلد معين لانقلاب في بلد تاني لوفاة حد في بلد تالتة، و لو حصل و علقت فده لأَنِّي بمارس نفس الحرية اللي انت بتديها لنفسك انك تتكلم على ايه و ما تتكلمش على ايه".
وأضاف: "العيال الرخمة بتاعة ما اترحمتش على فلان ليه هما نفسهم اللي لو قلت فلان ربنا يرحمه حيخشوا يقولوا طب و ما اتكلمتش على فلان أو علان أو ما جبتش سيرة ترتان ليه، نفس الناس اللي تقولك ما علقتش على احداث معينة ليه و لو علقت يقولك طب ما اتكلمتش على الحدث التاني ليه، العالم مش مستني ستاتوس الفيس بوك عندي او عندك عشان يتصرف على حسب حنكتب ايه. احنا كلنا أتفه من كده".
وتابع: "الملائكة مش واقفة على حساب تويتر تشوف مين اللي اترحم على مين و مين لا. و أبواب السما او الجحيم مش مستينة عدد اللايكات و الشير عشان تقرر تفتح لمين و تقفلها في وش مين. الحياة و الموت و الترحم كانوا موجودين قبل الفيس بوك و تويتر و الانترنت شخصيا. الحياة الاخرى مش واقفة على التويتة بتاعتك".
وجدير بالذكر، أن العالم المصري أحمد زويل الحاصل على جائزة نوبل للفيزياء قد توفي أمس الثلاثاء عن عمر يناهز ال"70 عاما".