"رمضان زمان " كان له طعم مختلف مع بوجى و طمطم و عم شكشك ، و فوازير رمضان مع نيللى و شريهان و عمو فؤاد و فطوطة ، و طبعا لا ننسى رشيدة و بكار و المغامرون الخمسة ، جميعهم كانوا جزءا من ضحكتنا و مائدة الإفطار . لذا أردنا أن نستعيد معكم رمضان زمان ، و نشارككم فرحته ، بنشر مجموعة من الأشعار الغنائية التى خطها العملاق الراحل " صلاح جاهين " لمسلسل " بوجى و طمطم " فى رمضان ،و نبدء مع حلقة " الفانوس " . طمطم : جميل جميل يا فانوسى نورك كثير زى فلوسى و كمان بتعرف تتمرجح بوجى : ايه يعنى أنا فانوسى فيه لمبه كبيرة قد الكرمبة و كمان تغمض و تفتح طمطم : إيه يعنى الاثنان : لتنين حلوين و ملونين يا لله عايزين نتفسح الاثنان : حالو يا حالو رمضان كريم يا حالو تيته يا تيته هاتى شكاليطه لا نعمل زيطه يا حالو طمطم : أنا فانوسى أرابسكه يعرف يورينى السكه على شرط تبقى الدنيا نهار بوجى : إيه يعنى أنا فانوسى أوتوماتيكى بقزاز بلاستيك بلجيكى ملحوم مفيهشى و لا مسمار طمطم : إيه يعنى الاثنان : ادى واحد اتنين يبقوا فانوسين و احنا طفلين شطار الاثنان : حالو يا حالو رمضان كريم يا حالو تيته يا تيته هاتى شكاليطه لا نعمل زيطه يا حالو طمطم : أنا فانوسى له شمعة مليون سنة تفضل والعه متنطفيش أبدا منى بوجى : إيه يعنى أنا فانوسى بالبوتجاز يخبز عليه واحد خباز و احكه يطلع لى الجنى طمطم : إيه يعنى الاثنان : كل الفوانيس غالى و رخيص نمسكها نهيص و نغنى الاثنان : حالو يا حالو رمضان كريم يا حالو تيته يا تيته هاتى شكاليطه لا نعمل زيطه يا حالو