روان وفانوس رمضان

صديقتى الصغيرة الجميلة روان محمود زلط تهنئ كل أصدقائها بصفحة «بدأت الحدوتة» بشهر رمضان وتحكى لنا عن فرحتها هذا العام بأخيها الجميل محمد الذى يشاركها اللعب بالفانوس وعن أحب فانوس لديها تشعر معه بفرحة رمضان.
حبيبتى ماما سماح..
كل سنة وحضرتك طيبة ورمضان كريم، أنا السنة دى فى رمضان مبسوطة جداً؛ لأن اخويا محمد كبر وبقيت أعرف ألعب معاه وبنلعب سوا بالفانوس ونغنى: وحوى يا حوى.
السنة دى جالى فوانيس كتير أجملها فانوس من جدو حبيبى، وهو فانوس طمطم، وعجبنى أوى لأنى بحب بوجى وطمطم ولأنه كمان بيتحرك ويغنى، وبابا وماما جابولى فانوس عروسة علشان أنا بحب العرايس، لكن أنا بحب الفوانيس العادية الكبيرة لأن شكلها حلو وبحب أتصور جنبها وعايزة أكبر وأبقى أطول منها.
روان محمود زلط