بين حكمة العقل وصدق العاطفة فى حضور روح السخرية

بين حكمة العقل وصدق العاطفة فى حضور روح السخرية
(ليلى والفارم فريتس)

* محمد جمال فوزى
أيوه هي دي الحقيقة....لازم تدور على طريقه...طريقه تواجهه بيها الحقيقة..... لأ تعيش بيها ويا الحقيقة وأعرف كويس أن مش دى أيام الأحلام البريئه .....لأدى أيام الواقع والحقيقة.....أيوه أيام صعب حتى أنها تسيب الأحلام بريئة.....دي حتى النجوم في السما لو دققت فيها هتلاقى أن عمرها ما كانت بس... هاديه ورقيقه ولو ركزت صدقني ياصحبى هتتصدم بالحقيقة .....وتعرف أنها نار ونارها حريقه بتحرق في نفسيها وكل اللي بيحاول يعرف أيه
هىالحقيقة؟......لأ...لأ..حاسب....صدقني مش أنا اللي هاتكون معايا نارها حريقه ........دا أنا ياما أتونست بيها في ليل........ليل طويل .....و أسود وكحيل وياما سهرت لها الليل ........ أكتب فيها شعر....وأقولها في مواويل ....وياما فضلت أقرب....وبرده تقرب لحد ما أحس أنى ها أحضنها بعنيا .....وألمسها بأيديا ......ولكن ياخساره ....كل مره.....كان النوم بيغلب عينيا...وأقوم من النوم ....... أفتكر وأقول يا ترى دي حقيقة.. ولا..... أحلام بريئة؟؟ ...لأ أكيد دي حقيقة ....وبعدين حتى لو أحلام ... ممكن في يوم تبقى حقيقة.......!!! صح...أيوه.....قولى أكيد....صح..!!!

يا عم فوق بقى...أصحىااااااااااا عمال تقولي سهرت الليل وشعر ومواويل ....يا بنى ..دا عنتر وعبلة..... وروميو وجوليت... وأنطونيو وكليوباترا ..وحتى مجنون ليلى ....... ماتوا من زمان......وحتى النوق الحمر بتوع عنتر .... برده ماتت...!!! فوق يا عم دي عبلة دلوقتى ماعديتش عايزه عنتر شايل سيف وراكب حصان ....... دي عايزه مرسيدس بمتور 100 حصان وسيفه يكون من نوع فيزا وبرصيد كافي كمان والخيمة تكون مش أقل من 200 متر ويا حبذا تكون في مكان راقي كمان....وياحبيبى بدل الشعر...والعين...والليل...وشغل الأفلام......يعنى...ممكن نبقى على رنات....وده برده مايمنعش من شوية.....مسجيات ....ماشى ياعنتر...بس أنا مش أسمى عنتر..!!!!؟.

خلاص ماشى يا قيس.....بس أنا مش مجنون.....!!!!؟... خلاص بقى يا عم روميو ولا حتى أنطونيو...أيه يا عم مالك أنا
برده لا روميو ولا أنطونيو....!!!! ليه يابنى أنت مش بتتكلم عن أحلام ....وكمان بريئة....وبتقول ممكن تكون حقيقة....صح ولا أنا غلطان...صح..!!....يبقى أنت أكيد زيهم ......بس ياخساره ده مش وقتهم....وعبلة وليلى وحتى سندريلا .....بتوع دلوقتى .....مش زى بتوع زمان خالص....صدقني دا سندريلا دلوقتى بتشيت وبتعرف نت ......ودي عبلة ...بقت مثقفه جدا....وليلى دي ...يا سلام عليها ...حطها في جنب لوحديها واسألني أنا عليها.....أقولك بقى ياسيدى .....دي ليلى دي.... عاقلة جدااا ....جدااا ...ومثقفه كمان وبتعرف علم نفس.... ومتحررة برده جداا
وماما وبابا بيثقوا فيها ......جداا.....جدااااا....وفوق دا كله بتحسبها كويس جدااااااا.... يعنى مش مشكله تصاحب ده...وتعرف ده......وتكلم ده.......وده زميلي ...وده أخويا.......ودول بقى يا سلام عليهم دول أخواتي وبعدين دول حتى عاملين زى الأطفال.....ونسيت ليلى أن حتى الأطفال بيجى عليهم يوم ويبقى كبار....وده برده مايمنعش أن ممكن نعلق ده في السكة .......يالله أهو ممكن ينفع في وقت زنقه .......ولما يبقى يتجنن ويخدها بجد ....هنتعامل .....يعنى ممكن نقول يا قيس ....أصل أنا..بحب مماتي .....اصل أنا بحترم بباتى .....اصل أنا كبيرتهم....ودول نفسهم يشوفوا أول فرحتهم وبعدين أنت لسه مشوارك طويل....وبعدين مين قالك أن نفسي طويل..دانا والله نفسي قصير وعمره ما كان طويل.....ويعنى...... ويعنى........ وبعدين ليه أنت فاهمنى غلط دانا حتى .....بحبك زى أخويا.....وياريت تفضل أخويا..... لأنه مهما حصل مش ممكن أخسر أخويا صح ولا إيه يا قيس.....وقيس بيقول صح..... أنتى صح يا لله ماهو ياعينى مجنون....وأهو كلام.....كله كلام....كلام في البتنجان....لأ....لأ ... حاسب دا كلام في البطاطس....أصل ليلى
بتحب الفارم فريتس.......!!!!!!

إيه يا عم مالك كده جاى على ليلى.......مش أنت بردك مجنون ليلى.....؟؟؟؟ لأ أفتكر أنا ما قولتش أنا قيس بس ده بردك مايمنعش إن أنا بقول كده علشان بحب ليلى والله كنت بحب ليلى.....!!!! كنت..."كنت بتحب ليلى "...؟؟؟ ....غريبة دي يا عم قيس .....وليه غريبة يا عم...... ما أنا أقولت لك أنا مش قيس.... ولا ناوى أكون مجنون ليلى.....وعشان الأمانة ......أقدر أقول ...شكراااا يا قيس .....ومرسى يا ليلى ....علمتونى.....علمتوونى.!!! .....بعد ده كله..هاهاااا..يا بنى دا أنت حالك يصعب...على أى حد....بس إلا ليلى....دي والله ماجصرت .... ماتضحكش أوى كده......عارفك هتقول ...أتعلمت إيه؟

أكيد أتعلمت الأدب..!!! ولا أتعلمت أنك تتنازل عن مبادئك.....!!!! ولا صحيت من أحلامك البريئة...!!!! لأ صدقني أتعلمت ... " أحب زى قيس....بس من غير ما أكون مجنون....وأفكر بمنطق ليلى بس من غير ما أتنازل عن مبادئي ولا أحلامي البريئة" وصدقني هتلف الأيام وهتدور السينين ومسير الحي يتلاقى وتعرف ليلى أن قيس 2007 كان صح... وعمره ماكان غلط.. وتندم على يوم كانت بتفكر غلط.....بس ياخساره الندم دايما بيجى في الوقت الغلط.....وقت مستحيل يصلح فيه الندم.......غلط.وصدقيني يا ليلى مهما حصل أو كان..صعب حد يقتل جوايا فكرة الإنسان وده عشان قلبي فيه حاجه اسمها....ايمان........ايمان بالله قيل كل شىء وبرده حابب أشوف نجمتي......خلاص مش هقول بريئة بس ممكن أقول.... هاديه.....ورقيقه...!!!!! واحد كان فاهم غلط.

** بشبيش . مركز المحله الكبرى . مصر