لل "بورتريه" ..

كان في الريشة كل الألوان
ابيض متطمِّن وبيضحك
واسود متعوّد على ضعفه قصاد الأحزان
ورمادي بيتدارى بسرعة ل َالحيرة تبان...
وبقية الألوان :
: مُتفَرِّج
ساكت / قلقان
أو : قلب لطير
جناحاتُه بقبضة بتمطّر ع الجمر ..إيمان
أو : (ضيف) بين شكه ويقينه ..
مفْرِقش الزهد من الحرمان
أو : (...شبح) اتاخد ورا نفسُه ضل العنوان
أو : ..(خطوة) في مشاوير /
"متناقضة" بْتنهج "نُقصان"
(ف "البورترية" دققت كتييير معرفتش مين؟)
في "الآخر " خالص
أتاريها
صورة
إنسان