كوكى : روبى أعقل منى بكتير ومش متسرعة زيى

الممثلة الشابة ( كوكى ) شقيقة الفنانة "روبى" كتبت على مدونتها الشخصية فى أول تدوينة لها تقول : " ناس كتير بتسألنى عن إيه هي الشخصية القدوة في حياتي أنا بقول إنها شقيقتي روبي بعتبرها قدوتي في كل شيء رغم أن الشبه اللي بينا تقريبا بس في لون البشرة إلا إنها بصراحة وأقول لها بكل صدق إنها أعقل منى بكتير جدا أنا متسرعة شويه ومجنونة شويا أما هي فتفكيرها متزن جدا وكل الأمور تأخذها بهدوء شديد.
إن شاء الله أنا في كل أعمالي القادمة بداية من مسلسل دوران شبرا اللي بأصوره حاليًا مع المخرج الكبير خالد الحجر اللي سبق وقدمت معاه فيلم الشوق في أولى تجاربي قررت أن يكون اسمي على التتر هو الموجود في البطاقة وهو ميريهان وليس كوكي أنا شايفة أن ميريهان أحلى بكتير".