دلال عبد العزيز‮: والله العظيم مش حاأعمل دور شادية‮!‬

تناثرت في الآونة الأخيرة بعض الشائعات التي تؤكد قيام الفنانة دلال عبدالعزيز بأداء دور الفنانة‮ "‬شادية‮" في مسلسل‮ يروي سيرة حياة النجمة الكبيرة،‮ علي أن تقوم دنيا سمير‮ غانم‮ "‬بنت دلال‮"‬،‮ بأداء مرحلة الشباب في حياة شادية نظرا لأنها تجيد الغناء بالإضافة الي تميزها في التمثيل،‮ ويبدو الخبر بصياغته هذه منطقياً،‮ وقابل للتصديق خاصة أن دلال عبدالعزيز لم تقم بنفيه أو لم تأكيده،‮ وفي مكالمة تليفونية معها أكدت ضيقها الشديد مما تتناقله الجرائد وكأنه حقيقة مؤكدة،‮ وتبدي دهشتها لأنها لم تتلق أي مكالمة من أي صحفي ليستوضح الأمر‮.‬
‮
‮- الحقيقة إن أنا قرأت من عشرين سنة كده،‮ مذكرات للفنانة شادية كان‮ يكتبها الشاعر الغنائي محمد حمزة في إحدي المجلات السينمائية تحت اسم‮ "‬شاطيء الحزن الجميل‮"‬،‮ وأعجبتني القصة جدا،‮ وتمنيت أن ألعب دور شادية،‮ وكلمات محمد حمزة وطلبت منه شراء القصة،‮ وكلمات المخرج الراحل أشرف فهمي،‮ وطار من الفرحة وكان اقترح اسم السيناريست أحمد صالح لكتابه سيناريو الفيلم،‮ وكان الاثنان قد شاركا في تقديم فيلم‮ "‬لا تسألني من أنا‮" آخر فيلم قدمته الفنانة شادية للسينما،‮ وبعدها بفترة بسيطة قررت الاعتزال،‮ وكانت الأمور تسير بشكل طبيعي،‮ إلي أن اتصل بي‮ "‬محمد حافظ‮" وهو‮ يعمل‮ في فرقه المتحدين لسمير خفاجي،‮ وقال لي مدام شادية بترجوكي تأجلي مشروع الفيلم شوية،‮ وطبعاً‮ أنا مش ممكن أعمل حاجة تضايق فنانة بحبها وبعشقها زي كل الناس،‮ وكنت بتمني أجسد قصة حياتها عشان الأجيال القادمة تعرف مكانتها وقيمتها الفنية،‮ ولكن قلت لنفسي إذا كانت الحكاية دي حاتضايقها‮ يبقي بلاش منها،‮ وحطيت في اعتباري أن‮ يمكن شادية تكون مش مقتنعة به،‮ لأني كنت لسه في بداية حياتي الفنية،‮ وما عملتش حاجة جامدة،‮ ومرت السنين وحبيت أصحي الموضوع تاني،‮ وكنت ساعتها عملت كام دور كويس والناس والنقاد اتكلموا عني بعد‮ »‬كفر عسكر‮«‬،‮ و»حديث الصباح والمساء‮« وقبلهما كنت عملت مسلسل‮" لا‮" أمام‮ يحيي الفخراني،‮ وكان من إخراج‮ يحيي العلمي ونجح المسلسل جداً،‮ وبعض الناس قالولي انتي فكرتينا بالنجمة الرائعة شادية،‮ والحكاية دي صحت المشروع جوايا،‮ فبدأت انشر أخبار عن فيلم سينمائي عن حياة شادية،‮ ولكن الاستاذ‮ "‬محمد حافظ‮" اتصل بي مرة تانية،‮ وكنا في منتصف التسعينيات وقالي مدام شادية بترجوكي تأجلي مشروع الفيلم شوية،‮ لأن الوقت مش مناسب‮! وساعتها أدركت أن الفيلم مش حايتعمل أبدا،‮ ما أنا ما أقدرش أزعل مني شادية،‮ وكل الحكاية أني لقيت في حياتها مواقف إنسانية كتيرة الناس ماتعرفهاش منها إن خطيبها الاول كان ظابط في الجيش ومات في الحرب،‮ وأنها بعد أن تزوجت أكثر من مرة تأكدت أنها لن تستطيع إنجاب اطفال‮! حياة الست دي مليانة حكايات تؤكد إن شادية الدلوعة اللي‮ غنت للحب وللوطن كانت تحمل كماً‮ هائلاً‮ من الأحزان،‮ عشان كده محمد حمزة الله‮ يرحمه،‮ أطلق اسم‮ "‬شاطيء الأحزان الجميل‮" علي مذكراتها،‮ وأنا لما كنت بشوف تسجيل أغنيتها الأخيرة‮ "‬خد بإيدي‮" اللي اعتزلت بعدها كنت بعيط وبحس بمدي صدقها،‮ لكن قلت نفسي مش معقول اصر علي تقديم حياتها ضد إرادتها،‮ ونسيت بعد كده المشروع تماماً،‮ وشغلت نفسي بقراءة حياة‮ "‬مي زيادة‮" اللي كانت‮ "‬نوال مصطفي‮" كتبتها في قصة،‮ وعجبتني وقررت أقدمها في مسلسل وطلبت من عاطف بشاي‮ يكتب السيناريو،‮ ولكن لقيت أكتر من زميلة بتتخانق وعايزة تعمل حياة مي زيادة،‮ فوقفت المشروع لأني ما أحبش أدخل نفسي في مشاكل أو صراعات علي دور،‮ والغريب بقي اللي ماحدش من اللي كانوا بيتخانقوا عمل مسلسل مي زيادة‮!‬
‮ نرجع لموضوع مسلسل شادية،‮ إيه اللي حصل تاني وزج باسمك انت ودنيا سمير‮ غانم في الموضوع؟
‮- مش عارفة والله،‮ أنا لقيت طارق الشناوي بيعتب عليه وعلي بنتي دنيا سمير‮ غانم وبيقول مايصحش تعملوا مسلسل عن حياة شادية وهي مش موافقة‮! مش عارفه أعمل ايه عشان الناس تصدق أني مش ناوية أعمل مسلسل عن حياة شادية،‮ والله العظيم أنا ليس لي‮ علاقة بالأخبار اللي بتنزل،‮ ولو حد عرض عليه الدور مش حاأوافق إلا اذا سمعت من شادية نفسها إنها ماعندهاش مانع وموافقة علي تقديم مسلسل عن حياتها أعمل إيه تاني؟
‮ تشوفي شغلك وتقدمي أعمال جديدة،‮ والناس حاتنسي الموضوع والشائعات حاتختفي‮!‬
‮- أنا فعلاً‮ مشغولة دلوقت بالاعداد لدوري في مسلسل‮ "‬شبرا‮" اللي بيخرجه خالد الحجر عن سيناريو رائع لشاب جديد اسمه‮ "‬سامح الشوادي‮"‬،‮ وبلعب فيه دور ست مسيحية اسمها‮ "‬لولا‮" جوزها متوفي وابنها عنده نت كافيه بيجتمع فيه الشباب،‮ والأحداث بتدور في عمارة بأحد أحياء شبرا،‮ فيها سكان مختلفين الطباع والشخصيات بينهم جارتي وصديقتي وبتلعب دورها سوسن بدر،‮ وهي ست مسلمة وأم لثلاث صبيان في أعمار مختلفة منهم‮ "‬محمد رمضان‮" الوجه الصاعد،‮ وده ممثل كويس قوي وحايبقي حاجة كبيرة،‮ والمفروض أن ابني أنا هو أحمد عزمي وانا بحب هذا الممثل ورأي أنه من افضل أبناء جيله،‮ ومعانا كمان في المسلسل حسن الرداد وروبي ومجموعة كبيرة قوي من النجوم،‮ والمخرج خالد الحجر اختار عمارة في المنيل عشان نصور فيها،‮ بعد استحالة التصوير في شبرا نظرا لشدة الزحام‮.‬