شبابنا بيسألوا.. زعلان من مصر ليه

الفيس بوك عالم الشباب الذي يظهر فيه مشاعره وأعتراضاته ومشاكله وإنفعالاته وهذه المرة نرصد لكم مجموعة من الجروبات على الفيس بوك التي تظهر السلبيات الموجودة فى مصر والتي أنقسمت إلى مجموعتان واحدة منهم لرصد السلبيات فقط والأخرى كانت هي الحل الوحيد لتعبير الشباب لمدى كرههم لهذه البلاد بكل ما بها من سلبيات وإيجابيات
الأول : مجموعات لرصد السلبيات فقط
وهم كثر مثل " تعالوا نطلع عيوب مصر ونحاول نلاقي لها مميزات"
و أيضا التعليم الجامعي في مصر ( مزايا و عيوب وهو لرصد العيوب فى التعليم الجامعي وكذلك السلبيات و يقول مؤسسو الجروب" إنهيار المستوي التعليمي الجامعي في مصر من الأسباب الرئيسية له القيادات الكبرى يلي ذلك فساد المؤسسة بالكامل و لنتحدث عن الواسطة في الكليات" وهذا السبب وراء فكرة هذا الجروب
كذلك جروب " يلا نصلح مصر" ويقول مؤسسي الجروب
" كل هدفه مصلحة مصر بجد وشعبها
زهقنا من الشعارات وعايزين مجموعة يبقى كل هدفها أنها تحط خطط ولازم تتنفذ
خطط لإصلاح ومساعدة مصر وشعبها لان لو أهلها مساعدوهاش...مفيش أجنبي هيساعدها
حتى لو الأعضاء مش هيصلحوا بأيديهم ممكن يجمعوا ناس خيرين عايزين يعملوا إصلاح بس مش متأكدين من أن المساعدة توصل لناسها...هو ده هدفنا إصلاح في كل المجالات
بدون أي تعصب لدين أو أي مله أخرى...مش هنفضل نطلع عيوب...لازم نبتدي نصلح"
وجروب لو لم أكن مصريا لأرتحت نفسيا" والذي يرصد الايجابيات والسلبيات
ويقول مؤسسوا الجروب "مش هنقول فيه كلام أشعار ومصر هي أمي ونطلع مميزات مصر
وفي نفس الوقت مش هنطلع كل عيوب مصر ونرمي كل مميزاتها بس هنا هنتكلم عن المميزات والعيوب والحاجات اللي بتحصل
ويا ريت كل واحد مننا في الجروب لو لاحظ ملاحظة في مصر يكتب عليها ويجيب لنا صور عنها عشان نلفت نظر بعض لحاجات كتيرة غيرنا بياخد فكرة وحشة عننا لما بيشوفه
ويمكن لما نلفت نظر بعض لحاجات نبدأ نصلح أي حاجة"
أزاي نصلح مصر ؟
وفكرة إنشائه تدور حول "عيوب مصر أية" ؟
لو كنت رئيس جمهورية مصر تعمل أية علشان تصلحها قل رأيك بصراحة ، بس لازم تقوا المشكلة و حلها....... صوتك هيعمل فرق
والجزء الاخر الذي يعبر عن كراهيته للبلاد وإمنياتة فى العيش بعيد عنها مثل جروب كرهت البلد " وكذلك أنا كرهت مصر بسببكم يا حماة مصر "و " كرهت مصر وعاوز أسبيها"و " كرهت مصر وحكومة مصر وكل حاجة فى مصر"
وفى النهاية يجب أن نسال أنفسنا هل حقا نحب مصر ونريد لها الأفضل أم الأمل فى التغيير والإصلاح والنهوض بمصر مرة أخرى هو حلم بعيد المنال؟
ولا نجد أبلغ من كلمات جروب " زعلان من مصر ليه؟
قالولي بتحب مصر.. قلت مش عارف
أصل المحبة غريبة ومصر تركيبة
ومصر حلوة ومرة وشرحه وكئيبة
دا أنا أختصر منصب الشمس وأقول شمعة
ولا أختصر مصر وانده وأقول يا حبيبة
طب ده كلام الشعراء
طب أنت رأيك إيه؟؟
بتحبها ولا كرهت؟؟
طب زعلان من مصر ليه؟؟
تعالي ندردش وقوول علي كل حاجة
بعيد عن السياسة والحزب والإنتخابات
احكي عن السمرا الولادة البهية
احكي من قلبك وقوول ومتخبيش
الحب باين عليك لو في الكورة أتغلبت طب لو مبتحبهاش
ليه زعلت وأتخنقت؟؟
فكر من تاني يلا وهنفكر معاك يمكن نلاقي حل ونصالحك عليها
وأوعي تقول يعني انا أخدت منها إيه؟؟؟
دي عليك غالية ...بس أنت فضفض وقول زعلان من مصر ليه؟