نظرة من عين كفيف.... ثرثرة مجنون

بحثت كثيرا في دفاتر رأسي عن عنوان نظرت لنفسي لأجدني كفيفا لا أعرف في الحياة سوى النذر القليل ثم وجدتني تارة أكتب بالفصحى ومره اتكلم عامي مرة أكتب وأنا مهموم فيكون حديثي حكيما قد اصفرت أوراق حياته ومره تلاقوني الشاب الروش اللي بيهزر ويضحك وبيقول لكم كبروا دماغكم محدش واخد منها حاجة فشعرت بالجنون ولكن لم تزل لدي الرغبة في الحديث فإليكم نظرة من عين كفيف وثرثرة مجنون.

خللو العيال تتعلم بقى
خللوا العيال تتعلم
أهم حاجة فى الدنيا القدرة على إيجاد حلول مبتكرة للمشاكل.. عشان كل يوم بتصادفنا مشاكل جديدة عايزة حلول عبقرية فيها شوية إبداع وابتكار.. مبدئياً الإبداع والابتكار تعريفهم: القدرة على إيجاد حلول بديلة غير معتادة.. والتفكير بطرق غير تقليدية.. التعبير عن الأفكار بشكل جديد وغير مسبوق.. الطفل بيتولد مبدع.. بس إحنا بنعلمه يقتل جواه الابتكار.. فمثلاً الطفل وهوه عنده 3 سنين لو عايز حاجة من برطمان.. هيقلب البرطمان عشان يطلع اللى جواه مش هيجيب معلقة ويسحل نفسه.. دلوقتى عايزين نزود الإبداع والابتكار فى الأطفال؟؟ بجد حاجة مهمة جداً.. يلا نشوف بره بيقولوا إيه عشان تشجع أطفالك يكونوا أكثر إبداعاً:
- شجعهم على حل مشاكل بسيطة.. زى إنهم يضعوا شيء جوه شيء يدوبك على مقاسه..
- خبى منهم اللعب بتاعتهم وخليهم يدوروا عليها ولو لاقيوها كافئهم..
- ساعدهم فى إعادة خلق أشياء جديدة من أشياء انتهى عمرها الافتراضى.. زى مثلاً لعبة قديمة أو هدوم قديمة..
- هات لهم ألوان وورق وخليهم يرسموا.. الرسم من أكتر الحاجات اللى بتزود الابتكار عند الأطفال..
- حاول تخليهم يفكروا فى استخدامات أخرى لحاجات بيستخدموها فى العادى..
- أقرأ لهم قصص وأشعار بتستخدم صور وتراكيب بسيطة بس مبتكرة وإبداعية..
- حاول تساعدهم يكون عندهم فضول وحب استطلاع
أطفالنا ليهم حق علينا... يلا نساعدهم يبقوا أحسن.. وخلى العيال تنبسط..
حكمة تعلمتها فى الجيش
لو ميّل عليك الزمان... ميّل وخد فيها
وإن سألوك الناس.. قول مؤخرتى وأنا حر فيها
وعجبى