اصحى وفوق يا شعب

يا شعب مصر وروق .. مرسى حطك على المحك .. وحدد ميعاد انتخابات مجلس النواب ..يلى يا شعب ورينا .. وانزل اختار نوابك واتحفنا وارضينا .. يا شعب حر ونزيه .. لا تابع ولا مطيع .. لأنتى مع مرسى وجماعته وعشيرته .. ولا مع معارضينه من جبهة الانقاذ .. ولا مع اللى طلعولنا جديد بيقولوا جبهة ضمير .. كل دول لهم مصالحهم .. وميعرفوش مصلحتك انتى يا شعب فين .. فرصتك يا شعب اختار نوابك .. اللى يوزنوا الكفه ويعلوا من مقدارك .. ويحددوا سلطة مرسى ويخرصوا المعارضين ..عايزين نوابنا ناس يكونوا فاهمين ومصحصحين .. ولا انتى لسه نايم .. اخرتك لقمة عيش وقلة ميه .. وسايبها للبلطجيه .. ماهم دول عايزين خرابها .. ووراهم ناس لهم اجنداتهم .. اللى وراه جماعته وناس باجنداتهم .. كلهم مرتبين ومنظمين .. اما انت يا شعب تايه ونايم وحزين .. امتى حتقول كلمتك وتخلص القصه.. مصر محتاجه رجال من اصل فرسان .. انزل وقول كلمتك يا مصرى ياصيل .. واختار فرسان فترتك ويكونوا بنى ادمين .. عوزين نواب بشهامة المصرين .. لا تبع جماعه ولا جبهه ولا حزب من التايهين ..اصحى وفوق يا شعب .. وحدد حتختار مين .. واحرس انتخاباتك واحميها .. ولا تسبها لمين ولا لمين .. وابعت رساله للعالم احنا فرسان مصر وحامين.. برجالتنا ونسائنا وقت اللزوم جادين .. اصحى وصحصح وفوق يا شعب يا امين .. اللى حاكمينها النهاره وكمان المعارضين .. لا هم خيالين يا مصر وفشلوا ومش نافعين .. اصحى وفوق يا شعب