زعيم يكون مصري

احنا فى عهد المغالطه .. والغلطه حتجر غلطه .. ياخوان هذا العصر .. وافكار غطت ضماير..وتوهتونا بفكركم .. وعايزين تأخونو ها ..دا المخلوع وهو رايح كتر من الفضايح .. ولبسها ليكم ياخوان مصر ..وكله من دم اهلك يا مصر ..ودستور داس على الحقيقه .. واخترعوا الف طريقه .. يهينوا اهلك يا مصر .. راح تكتر الديون وكله بالدستور ..والله فى عونك يا مصر .. اصل المخلوع وهو رايح انكشفت كل الفضايح.. الناس كانت عايشه فى صفايح ..والكلب كان عايش فى القصر .. مين همه المشئولين .. حاصروا الناس بالهموم .. وغلوا العيش والهدوم .. وعايزين يبيعوكى يارض مصر .. نشكى ونقول لمين دا رب الكون كريم .. اصحوا بقى ياخوانا .. اصلها بقت عزبه خاصه زى ما كانت بالضبط .. والمخلوع باين عليه وصى يوقف حالك يا مصر .. ايامه ادنا فى مالطا .. والنهارده بندن فى مصر .. اصحوا بقى ياخوانا.. وفوقوا يا جيل الثوره ..الاخوان مع السلفين وقعوا وكنا متوقعين .. وجبهة انقاذ مصر فاكرين نفسهم فاهمين .. صباحى هيمان بالكرسى ..والبدوى حزبه عريق بس هو مش خياله ..وتاريخه اسوأ تاريخ ..اما البرادعى يا ولداه بانضمامه للجبهه ديه خسر كل الشعبيه .. كان رمز للثوره وهرب من اول محطه .. يا عالم كفايه صراع على السلطه الشعب ضاع .. كلكم بلا شعبيه واصبحتم بلا هويه .. الشعب خلاص زهق من كل الخلق ديه .. اخوان .. وسلفيه .. وجبهة انقاذ البلطجيه .. ال وجبهة ضمير بلا هويه .. وعصيان البورسعيديه .. كلكم فى وادى يا خلق خلاص والشعب اصبح فى وادى .. خليكم فى صراعاتكم واجندتكم ..كلكم زعماء الصراع ومصالحكم خلت الشعب ضاع .. ومصر دى مصرنا نحميها بقلبنا .. وجيشنا حيقف جنبنا مهو من شعبنا ومننا .. وقياداته من اهلنا وفى لحظه حيلمكم ويخلصنا منكم .. اه يا مصلحجيه فاكرينها تجاره غبيه .. اصحى صحصح فوق يا شعب مصر الابيه .. وشوفلك زعيم يكون مصرى وشارب من النيل فارس وطبعه نبيل ومننا واصيل