حدوته مصريه

عايز تعرف اصل الحكايه مهى متقسمه ومعروفه من البدايه .. بص ادامك وشوف جيرانك .. عندهم حريه وديمقراطيه وكمان ليبراليه .. دا فكر وعقول متربيه .. واحترام للأدميه ولا الناس مش عارفه الحكايه ديه .. مهو الجهل والاحتكار ستار .. وأئمه بيلعبو بعقولنا .. هى كانت ثوره ولا حلة تقليه .. يا خساره مش عارفين يحكموها .. ولا بالحديد والنار .. دا شاعر ومفتى وشيخ بيفتى وكاهن فى كنيسه وحكام خبيسه .. والكل تايه .. دا حرام ودا حلال .. وحكومه غبيه ومش مستحيه .. والحسبه بسيطه خالص ..ولو فكروا شويه حيلاقوا الحريه هى الحل لبلدنا ديه ..دا اصل الخلق الحريه.. اصلهم بيأولوا الدين .. وبيقولوا بسم الله الرحمن الرحيم .. والله بريئمنهم ليوم الدين .. المهم الكرسى وتموت الدنيا ديه والدليل فى ثورتنا ديه .. يحكمها المرشد واخوانه ..وفى داهيه مصرنا الآبيه .. هو في ايه .. حزب حكومه تانى وزى الوطنى كمان .. ولا مصنع لفساد الانسان .. نفاق وتسلق على كتف الشعب الغلبان .. عايزك تحسسنى بالأمان .. واشوفك يوم فهمان .. واخلاقك اخلاق زمان .. مهو كان فى ناس باخلاق فرسان ماتو لأجل كل الولدان .. وخلصونا من طاغية الزمان .. وقالوا ثورة الزمان .. وشهد لها العالم كمان .. ويا حسره على الجدعان .. حيرتنى وحيرنى امثالك .. امتى بقى حتبص ادامك .. لمصلحة شعب تعب من اهمالك .. يلى قوم اتخلص من اوهامك واخوانك .. ولا حقفل البوابه ادامك .. وتفضل اسير فكرك واخوانك .. وتروح الضلمه عنينا .. وتيجى ناس تحس بينا وباهالينا .. ويبتسم الزمان لينا لاجل ما تكبر بلدنا بيكم وبينا .. ويا رب احمينا من بعضينا .. وخلصنا من الوحوش اللى حولينا .. اصل فى ناس متعرفش معنى الحريه .. وفاكرين نفسهم افهم الخلق فى بلدنا ديه .. ال وعاملين جبهة انقاذ بلدنا ديه وهمه عارفين نفسهم وكلهم مصلحجيه .. ودعوه للأستاذ فهمان اللى فاكر نفسه عرفان وامام الجدعان .. يا برادعى الزمان انت والصباحى كمان .. صباحى عايش الدور وفاكر نفسه زعيم حنطور .. اما البردعى بقى كان رمز للحريه .. وكسر حاجز الخوف .. وخسر كل الشعبيه بانضمامه للجبهه ديه .. مخلوع مع مخاليع وخلاص الشعب بيضيع .. اصحوا بقى ياخوانا دى بقت عزبه خاصه .. والمخلوع باين عليه وصى يخرب بيتك يامصر .. ياخوانا عايزين زعيم مصرى وشارب من النيل .. مصرى وحاسس بمصريه .. شعبى ومصر شعبيته .. نحكى ونقول لمين دا رب الكون كريم .. هى دى قصتى قولوا بقى رأيكم