آيتن عامر عن القضايا التي رفعتها على طليقها:" ما تعديش"

حلت الفنانة أيتن عامر ضيفة على برنامج "العرافة" تقديم بسمة وهبة ويعرض يوميًا طوال شهر رمضان على قناة "النهار".
وتطرقت "أيتن" للعديد من الموضوعات منها طلاقها، ومشاريعها الفنية خلال الفترة المقبلة، وعن علاقتها بنجوم الوسط الفني، إلى جانب ظهورها الدائم على السوشيال ميديا وتفاعلها مع متابعيها وجمهورها.
وواجهتها "بسمة وهبة" بتصريح أدلته من قبل وهو: "فيه رجالة بياخدوا اللي دفعوه طول فترة الجواز".
وردت "أيتن" قائلة: "كنت أقصد الرجالة اللي بياخدوا الفلوس اللي صرفوها على ستاتهم طول فترة الجواز وده كان رد على بوست نشرته ست بينها وبين طليقها وكانت واقعة في أزمة كبيرة جدًا ومحتاجة مبلغ معين لو مكانش اتدفع في مدة معينة كانت ممكن تتحبس وطليقها لم يتردد انه يبعت لها الفلوس بالرغم ان مفيش أي حاجة تربطهم ببعض، وقارنت بين البوست اللي قريته وبين الواقع اللي بنعيشه والواقع اللي حوالينا ولقيت زي ما في رجالة محترمة في رجالة مش محترمة".
واستكملت: "الست اللي تقول كلام وحش على جوزها بعد الانفصال تبقى ست مش محترمة ومينفعش اللي جوا البيت يطلع للعلن، اللي بينهم بينهم".
أما عن حقيقة الشجار الذي دار بينها وبين طليقها بأحد الكومباوندات أوضحت "أيتن": "اللي بلغ إدارة الأمن بتاعت الكومباوند وأنا ما اتصلتش بالنجدة ومش لازم كل حاجة بتتقال تكون صح على فكرة، وفيه مواقع كبيرة وبتنزل أخبار غلط ومابتكونش دقيقة، وأي اتنين بينفصلوا أكيد بيبقى في بينهم خلافات ومش كل حاجة بتتكتب بتبقى صح، وأنا واحدة من جوا الحدث وبقولك فيه تفاصيل كتير بعد انفصالها ونظرًا لأني ساكتة وبحبش مشاكلي ومشاكل بيتي تبقى موجودة في العلن علشان دي مساحتي الشخصية دي الخصوصية بتاعتي أنا وأولادي".
واستكملت: "اللي حصل كالاتي اي اتنين بينفصلوا بيبقى فيه بينهم مشاكل، والمشاكل دي وصلت لحد فين هو ده اللي بيحددوا الطرفين من سوء حظي أن المشكلة دي إدارة الأمن بلغوا بيها لأسباب تخصهم أنا مش هرد عنهم، لكن من جانبي أنا تنازلت عن ايه اللي حصل مش مهم بس أنا في الأخر اتنازلت لأن أنا وأبو أولادي مش هنقف قدام بعض قدام المحاكم أبدًا عمرها ما هتوصل لكده وده من جانبي أنا".
وأضافت: "لكل فعل رد فعل، لما حد دلوقتي ييجي يقول أنا علمت حاجة معملتهاش مش المفروض أدافع عن نفسي، ده اللي حصل لما حد يرفع عليا قضية ما طبيعي جدًا أني هرد وأنا دايمًا في موضع دفاع وعمري ما كنت في موضع هجوم".
وبسؤالها من قبل "بسمة وهبة": "طب ممكن أعرف كام قضية؟"، وردت عليها "أيتن" قائلة: "مبعدش يا جيمي، واحنا مش انفصلنا هنفضل لاخر يوم في حياتنا ناقر ونقير".
وأنهت حديثها قائلة: "مش كل اتنين بينفصلوا عشان بطلوا يحبوا بعض في ناس كتير ممكن تنفصل عشان بيحبوا بعض عشان مش عايزين يكرهوا بعض، وممكن الواحد يبقى جنبه حد مش أمين عليه عشان كده أنا دايمًا بقول يارب أرزقني الصحبة الصالحة اللي تدلني على الخير، والله أعلم ايه اللي حاصل عنده أنا معرفش لكن ممكن يكون حد بينصحه غلط وأنا من وجهة نظري أن أي اتنين بينفصلوا لازم يبقى ما بينهم مساحة احترام جيدة علشان يعرفوا يتعاملوا".
اقرأ أيضا:
50 صورة من حفلات سحور النجوم.. مي عمر وبسمة بوسيل ويسرا الأبرز
"دينا رفارف" في العتاولة.. 10 معلومات عن هدى الإتربي بعد إثارتها للجدل