"الجمهور هيتجنن عليه".. شوبير يكشف تطورات جديدة بشأن موليكا والأهلي بعد العرض القطري

كشف الإعلامي أحمد شوبير، تطورات جديدة، بشأن مفاوضات النادي الأهلي، لضم جاكسون موليكا، لاعب فريق بشكتاش التركي، وظهور عرض قطري جديد.
قال أحمد شوبير خلال تصريحات إذاعية: "بعض التقارير الصحفية التركية، أكدت تقدم نادي الريان القطري، بعرض لضم الكونغولي جاكسون موليكا، لاعب فريق بشكتاش التركي بقيمة 3 ونصف مليون دولار، لكن النادي التركي يريد 4 ونصف مليون".
أضاف: "لو جيت تسأل أي حد من جماهير الأهلي، عاوزين مين ينضم للأهلي هيقولك موليكا، كل سنة يقولك نفسنا في موليكا، رغم أني شايف أرقامه عاديه جدا، بس الجمهور هيتجنن عليه".
أوضح أحمد شوبير: "موليكا معملش معايا أوي، للدرجة اللي الناس بتتكلم عليه بيها، يعني موليكا لعب السنة اللي فاتت 29 مباراة، سجل 5 أهداف بس، طب تعالى شوف كهربا بقى اللي مسجل في كل البطولات، وكمان محمد شريف اللي هداف الأهلي في الدوري".