يسرا تعلق على حضورها جنازة سمير غانم الصبح وفرح بالليل (فيديو)

علقت النجمة يسرا على حضورها جنازة الفنان الكبير سمير غانم والمشاركة في تشييعه لمثواه الأخير، وظهورها في حفل زفاف مساء نفس اليوم، الأمر الذي تسبب في الكثير من الانتقادات لها آنذاك.
وقالت يسرا في برنامج "أنا والقناع" الذي تقدمه المذيعة منى عبدالوهاب، على قناة الحياة طوال شهر رمضان 2023، عند سؤالها "جنازة الصبح وفرح بالليل": "تصدقي الاتنين، فيه اكتر من أمي حزنت عليها أكيد لأ، وأي حد حزنت عليه حزنت عليه من قلبي وأي حد فرحتله فرحتله من قلبي لانه زي ابني".
وتابعت "كل يوم عندك حالة وفاة وحالة فرح هتعيشي إزاي، بتتحسب معاكي وضدك وكل حاجة، اتعلمت حاجة من الدنيا عمرك ما هترضي العالم مهما عملتي قمتي بواجب انبسطتي عيطتي، مش يمكن لما رحت الفرح عشان انسى الحزن، العريس والعروسة زي ولادي بالظبط وعلاقتي بالعيلة التانية مهمة سمير غانم حبيب قلبي مفيش شك اني بحبه، كنت بكلم دلال ومش قايلالها اني في جنازته الناس مش فاهمة اوي نفسهم يشوفولي الغلط، معقولة مش بتغلط لأ هنغلطها".
لافتة أنها كانت دائمة التواصل مع دلال حتى يوم الجنازة ولم تخبرها بوفاة سمير، مضيفة "كنت على طول بسأل عليها وعندي الجروب بتاعها لحد دلوقتي، وقلتلها وقت الجنازة وحشتيني انا رايحة الجونة وخبيت عليها عشان خايفة عليها".
يُعرض للفنانة يسرا حاليا مسلسل "1000 حمد لله على السلامة" ضمن مسلسلات رمضان 2023، ويشارك في بطولته شيماء سيف، مايان السيد، آدم الشرقاوي.
View this post on Instagram
A post shared by AlHayah TV Network (@alhayah1tv)