بحب المعاكسة بالمصري وكتالوج الرجالة "الدلع".. أبرز تصريحات "دومينيك" في ظهورها الأخير

حلت الفنانة اللبنانية دومينيك حوراني، ضيفة مع الإعلامي سعيد جميل ، عبر فضائية "القاهرة والناس"، وتحدثت عن موضوع الحلقة "النكد" ورأيها في الرجل النكدي، والبرامج التي تتحدث عن العلاقة بين الرجل والمرأة وتأثيرها على المجتمع
وهذه أبرز تصريحاتها المثيرة للجدل:
-الرجل النكدي حله الدلع والحنان، وكتالوج الرجل عامة سهل جداً
-المعاكسة بحبها باللهجة المصري "يا مهلبية.. سكر محلي محطوط على كريمة، بس مبحبش التحرش والمعاكسات الزيادة".
-اتعاملت مع كل جنسيات العالم، وبالذات الرجالة.. الرجل اللبناني بيحب مامته أوي وناعم وحنين
-أما الرجل السوري حبيب ورومانسي، ممكن يحب 4 في نفس الوقت ويقنعهم أنه بيحبهم، السعودي كريم، والكويتي مبدع وخلاق، والأمريكي صريح لدرجة زيادة عن اللزوم، والألماني أكتر جنسية بتحب الصرف.
-محدش بيغير حد.. أنا لبسي كده وطريقتي ومعاملتي يا يقبل يا لأ
-حاجات الست مينفعش تسألها للرجل زي إنت فين، ودايما الإجابات مش دقيقة
-الرجل المصري بيعلي الست ويرفع شأنها، يترجم حبه ليها بمساعدتها.
-الرجل اللي بيعرف اتنين على بعض، هو خاين وواحدة كفاية.
-في برامج فيها كام واحدة معقدين نفسيا طالعين بيحاربوا الستات في حاجات بشوفها سخيفة، التحريض ده بيبوظ المجتمعات
-ضد التحريض على الراجل والست بس المرأة لسه مش واخدة حقها، لسه فاضل كتير عشان نرجع لها قيمتها زي الأول
- شكلي المميز سبب وجودي في الفن، والاختلاف في الشخصية والموهبة، وأهم شيء الإبداع والموهبة ووجود حظ.
-العلاقات في حياتي لم تفيدني بشيء، وأتحدى أي مخرج أو منتج يقول إني كلمته طلبت يشغلني
-الفرص بتيجي في الوقت المناسب والمكان المناسب
يذكر أن دومينيك حوراني، طرحت مؤخراً أحدث أغانيها بعنوان "خروفي"، من كلمات جميل ، ألحان الدكتور طوني عنقا