بوليصة تأمين ومحاولة انتحار.. حسام حبيب يكشف مفاجآت عن أزمة شيرين عبد الوهاب

قال الفنان حسام حبيب، إن علاقته بالفنانة شيرين عبد الوهاب كانت مبنية على الصداقة، ولم يكن يتوقع أن تتحول تلك العلاقة إلى زواج.
وأضاف حبيب، خلال مداخلة هاتفية مع الإعلامي عمرو أديب، ببرنامج "الحكاية"، المُذاع عبر فضائية "mbc مصر"، مساء الجمعة، أن وجوده كان غير مستحبًا في وسط شيرين عبد الوهاب، مضيفًا: "الحنفية اتقفلت على كل اللي حواليها، ومكنش ينفع في وجودي إنه أي حد يقدر ياخد حاجة منها، كنت العدو الأول لكل من يحاول نهب شيرين عبد الوهاب، وكان فيه ناس عايشين من خيرها وعايزين يمتلكوها"، متابعًا: فيه ناس اشتغلت 4 سنين على هدف واحد "الشخص ده كان لازم يمشي".
عندي فلوس أكتر منها
وتابع الفنان حسام حبيب: أنا عندي فلوس أكتر من شيرين بكتير رغم إن شغلي أقل منها، شيرين كان عندها نجاح واسم ومكنش مترجم هذا النجاح لفلوس، شيرين كانت منتهكة ومنهوبة ممن حولها، وكانت متأثرة جدًا بكلام من حولها، ووصلت العلاقة بينا إلى الطلاق".
وشدد الفنان حسام حبيب: لم أكن عنيفًا مع شيرين، أنا متربي وعمر العنف ما كان سلوكي أو ثقافتي، والطلاق بيننا لم يكن بسبب أي وقائع عنف وممكن تسألوها، وعلاقتي بها لم تكن سامة وعمري ما خدت منها جنيه سواء قدامها أو من وراها".
حلاقة شعرها
وأردف: لما شوفت شيرين حالقة شعرها انهرت ووقعت على الأرض، وعرفت ساعتها إن الأمر وصل لدرجة اللاعودة، شيرين كانت تقسو على نفسها عشان تتخلص من حبي تؤكد لنفسها أن الرجوع أصبح مستحيلًا، وتم الطلاق كنت حاسس وقتها إن اللي بيحصل حلم".
واستطرد: بعد البيان رجعتها تاني من غير ما حد يعرف، موضحًا: الطلاق حصل رسمي من خلال ورق، أما رجوعنا لم يكن رسميًا أو من خلال أورواق، مؤكدًا: أنا معملتش أغنية واحدة من يوم ما اتجوزت شيرين، متسائلًا: "ينفع أبطل سجاير ومحاط بناس في أوضة واحدة بتشرب سجاير؟، إزاي أكون راجل مستفيد من فلوسها وأسيبها تتخن وتهمل شغلها؟".
وأضاف الفنان حسام حبيب: "من كتر ما كنت عايز أتجنب المشاكل مع شيرين بقيت التزم الصمت، شقيق شيرين كان يقول أنها وصلت للمرحلة الثالثة من الإدمان بسبب حسام حبيب، رغم أن المحيطين لها في الوقت ده هما اللي وصولوها للمرحلة دي وأهلها مسؤولين عن اللي وصلت له، مؤكدًا: "شيرين محتاجة رعاية نفسية، وأنا بحب شيرين جدًا وعمري ما حاولت أستغل أي حاجة لإطلاق تصريحات مسيئة ضدها، ومش عشان أبرئ نفسي هستغل شيرين وأزمتها للنيل منها".
لم أرد لشيرين مستحقاتها
وتابع حبيب: أنا لم أرد لشيرين مستحقاتها كما يقال.. أن تنازلت لها عن عربيتي اللي باسمي والفرق كبير، هيا قالت ليا خد العربية وده أقل من حقك وأنا كنت رافض، ووفضلت عندها لحد الأزمة رغم إن العربية باسمي، والعربية رجعت لشيرين قبل البيان بكتير، وحد من المقربين لشيرين خد العربية ومشي بيها
وردًا على اتهام شقيق شيرين عبد الوهاب له بتعاطي المخدرات، قال حسام حبيب: هل لو وصلت لمرحلة الإدمان أهلي هيسبوني، هوا أنا مليش أهل يسألوا عليا ويودوني مستشفى أتعالج فيها، شيرين ربنا يشفيها عندها لسان يرد على سؤال "من له مصلحة في وصولها لهذه الحالة؟"، متابعًا: اللي بيدمر شيرين هو اللي عايز يستغلها ويحجر عليها، والي معاه توكيل رسمي منها وعايز يحجر عليها.
وكشف الفنان حسام حبيب، أن الدكتور حسام لطفي المحامي قام بعمل بوليصة تأمين لابنتي شيرين عبد الوهاب خارج مصر، مضيفًا: "الناس اللي مفكرة إنها هتحجر على شيرين نأبهم طلع على شونة"، متابعًا: بوليصة التأمين مؤمنة خارج مصر ولا يمكن التعامل عليها إلا من خلال ابنتيها لتأمين مستقبلهن
مسحولة من شعرها بالبيجامة واترمت في العربية
وأكمل: أقسم بالله العظيم كان فيه مطواه مفتوحة على شيرين عبد الوهاب في الليلة اللي اتاخدت فيها للمستشفى، وشيرين كانت مسحولة من شعرها بالبيجامة واترمت في العربية، وحاولت أمنعهم ولكن كل كلام شقيقها كان سباب وشتائم وتهديد.
وأردف: شقيق شيرين واللي معاه من صحابه ضربوني على دماغي، وكان الشاعر محمد سرحان ونبيل إدوارد متواجدان لحظة اقتحام منزل شيرين وسحبها للمستشفى، مضيفًا: اسألوا شقيق شيرين عبد الوهاب كان بيتعالج فين لمدة سنين ومين اللي كان بيصرف على علاجه
وتابع: كلمت محامي شيرين عبد الوهاب وشرحت له ملابسات الواقعة وطلب مني أنزل معاه لتحرير بلاغ، مكنش ليا صفة في المحضر، ولكن المحامي قال لي إن الإجراء والأسلوب اللي تم مع شيرين غير قانوني، مكملًا حديثه: أنا لو ضمن الطاقم الطبي وجاي أخد مريض وشوفت مطواه مسحوبة قدامي طبعًا هرجع.
ونفى الفنان حسام حبيب تواجده خارج المستشفى التي تخضع شيرين عبد الوهاب للعلاج به، قائلًا: أنا كنت في عربيتي قدام المستشفى ولم أخرج منها، ومكنتش واقف قدام المستشفى أو بنادي عليها من بره، الكلام مش هينفع يخش العقل، متابعًا: أنا عرفت وجود شيرين بالمستشفى بالصدفة البحتة من خلال شخص خارج من المستشفى، وعرفت من خلال هذا الشخص إن شيرين ممتنعة عن الأكل ل 4 أيام، وحاولت الانتحار.
علامات الضرب
وتابع: الزيارة كانت ممنوعة عن شيرين وعلامات الضرب كانت ظاهرة عليها وشعرها وهدومها مقطعين، منهم لله اللي كانوا السبب، دول خدوا شيرين من سكة لسكة تانية أوحش، الكلام ده مش موجود في ثقافة أهلي، وأنا بعتذر لهم عن اختياراتي، رسائل وشتيمة بتوصلني على تليفوني كل شوية
واختتم: شيرين إنسانة أبسط من البساطة رغم إنها ميجا ستار، وتتعامل بعفوية وعملت لها مؤسسة لإدارة أعمالها، شيرين مكنتش تعرف يعني إيه حساب بنكي، وعملت لها حسابات بنكية بره مصر عشان تأمن مستقبل بناتها، ورغم ذلك شوعي صورتي قدام بناتها، وأنا بحمل نفسي وشيرين مسؤولية ما حدث من تدخلات سافرة في علاقتنا.
اقرأ أيضًا:
حسام حبيب: "شيرين كان عليها علامات الضرب وشعرها وهدومها متقطعة".. للتفاصيل اضغط هنا