حسام حبيب .. قال الفنان حسام حبيب، إن شيرين كانت تقسو على نفسها عشان تتخلص من حبي ولتؤكد لنفسها أن الرجوع أصبح مستحيلًا، موضحًا: "لتم الطلاق كنت حاسس وقتها إن اللي بيحصل ده حلم".
وأضاف حسام حبيب خلال مداخلة هاتفية مع الإعلامي عمرو أديب، ببرنامج الحكاية، المُذاع عبر فضائية "mbc مصر"،: "بعد كده رجعتها تاني من غير ما حد يعرف، الطلاق حصل رسمي من خلال ورق، أما رجوعنا لم يكن رسميًا أو من خلال أورواق".
حسام حبيب : أهل شيرين هم المسؤولين عن اللي وصلت له
وأوضح حسام حبيب : "أنا معملتش أغنية واحدة من يوم ما اتجوزت شيرين، ومن كتر ما كنت عايز أتجنب المشاكل مع شيرين بقيت التزم الصمت، لكن شقيق شيرين كان يقول أنها وصلت للمرحلة الثالثة من الإدمان بسبب حسام حبيب، رغم أن المحيطين بيها في الوقت ده هما اللي وصولوها للمرحلة دي وأهلها مسؤولين عن اللي وصلت له".
وأردف حسام،: "شيرين محتاجة رعاية نفسية، وأنا بحب شيرين جدًا وعمري ما حاولت أستغل أي حاجة لإطلاق تصريحات مسيئة ضدها، ومش عشان أبرئ نفسي هستغل شيرين وأزمتها للنيل منها".
وأضاف حسام حبيب، أن وجوده كان غير مستحبًا في وسط شيرين عبد الوهاب، لأنها تصرف على اهلها اللذين يسرقون أموالها، موضحًا: "لما انا جيت الحنفية اتقفلت على كل اللي حواليها، ومكنش ينفع في وجودي أي حد يقدر ياخد حاجة منها زي الأول".
حسام حبيب : اللي حوالين شيرين نهبوها
وأردف حبيب،: "أنا كنت العدو الأول لكل من يحاول نهب شيرين، وكان فيه ناس عايشين من خيرها وعايزين يمتلكوها، لكن انا جيت احافظ على مالها ومال بناتها"، في ناس حواليها اشتغلتوا 4 سنين على هدف واحد وهو إني لازم أمشي".
حسام حبيب : عندي فلوس اكتر من شيرين
وتابع الفنان حسام حبيب:" أنا عندي فلوس أكتر من شيرين بكتير لما اتجوزتها رغم إن شغلي أقل منها، شيرين كان عندها النجاح والإسم لكن مكنش مترجم هذا النجاح لفلوس، وعمري ما خدت جنيه من وراها".
واختتم حسام،: "شيرين كانت منتهكة ومنهوبة ممن حولها، وكانت متأثرة جدًا بكلام من حولها، ووصلت العلاقة بينا إلى الطلاق، ولم أكن عنيفًا معها، أنا متربي وعمر العنف ما كان سلوكي أو ثقافتي، والطلاق بيننا لم يكن بسبب أي وقائع عنف وممكن تسألوها".