"نيرة لسه ماشافتش دنيا".. فنانون يعلقون على واقعة طالبة المنصورة: إيه اللي جري للناس (صور)

تفاعل عدد من نجوم الفن، مع واقعة طالبة المنصورة، التي راحت ضحيتها فتاة في السنة الثالثة بالجامعة بكلية آداب المنصورة، بعد أن ذبحها صديقها بنفس الفرقة الدراسية، بالسكين أمام الجامعة عقب نزولها من السيارة وتوجهها إلى جامعتها.
ونستعرض لكم ما قاله النجوم عن الواقعة في السطور التالية:
ريهام حجاج
كتبت الفنانة ريهام حجاج، عبر حسابها على إنستجرام: "لا حول و لا قوة إلا بالله العلي العظيم .. اللهم أرحمك يا نيرة ويصبر أهلك ويجعلك من أهل الجنة يا حبيبتي".
وتابعت: "شهيدة الأخلاق والإنسانية إللي خلاص ماتوا وادفنوا في قلوب الكثيرين، إيه إللي جري للناس.. الناس بقيت وحوش لا خايفة من ربنا ولا من قانون ...الكره والحقد والغل والأذى باقوا سمات العصر".
وأضافت: "حقيقي الواحد حزين على أهل بلده وعلى إللي وصلنا له، اللهم أرحمنا برحمتك وأحمي أهالينا وأولادنا وأخرجنا منها سالمين اللهم آمين".
سمية الخشاب
كتبت الفنانة سمية الخشاب عبر حسابها على تويتر: "أرجوكم لو لقيتوا أي ست بتتضرب أو بتتعرض لعنف في أي مكان اتدخلوا يمكن تنقذوا حياتها، حرام بنت في العمر ده لسه ماشافتش دنيا تروح عشان حقير مجرم قاتل زي ده، ربوا أولادكم بقى عشان قرفنا، متخلفوش لو انتوا مبتعرفوش تربوا كفاية.. وإعدام إن شاء الله".
وتابعت: "المهم وأنا ببص كده على التعليقات لقيت شوية مرضى نفسيين ميقلوش إجرام عن اللي ارتكب الجريمة بيلوموا البنت ويقولوا كانت لابسة لبس مش محتشم وبيبرروا دبحها، يعني اتدبحت وراحت حياتها وكمان مذنبة، لازم الناس دي تفوق لأنهم بيبقوا مشاريع إجرام وربوا أولادكم عشان قرفنا منكم ومنهم".
وأَضافت: "وحبيبتي نيرة في الجنة إن شاء الله، وإن شاء الله تكوني سبب أنه العنف والقرف ده يقف بعقاب رادع يبقى عبرة لأي حيوان بشري يفكر بس يلمس شعرة من بنت مش يدبحها، منه لله وإن شاء الله عقاب أسود في الدنيا وفي الآخرة".
فتحي عبدالوهاب
كتب الفنان فتحي عبد الوهاب، عبر حسابه الرسمي بموقع "فيسبوك": "طالبة جامعة المنصورة، ربنا يرحمها ويصبر أهلها وينتقم من المريض اللي عمل كده".
مصطفى درويش
كتب الفنان مصطفى درويش، عبر حسابه الشخصي بموقع "فيسبوك": "نيرة أشرف ضحية مجتمع كله فساد ضحية إن القدوة بقى البلطجي اللي بيشيل سكينه وهو رايح الجامعة ويتباهى ببلطجته لإنها بقت موضة، ضحية إن البلطجي بقى هو اللي معاه فلوس وعربيات".
وأضاف: "البنت دي ضحية الصورة المشوهة اللي متصدره للمجتمع تحت كلمة الحرية ولسه ولسه اللي جاي أسوأ، الله يرحمها ويصبر قلب أمها وأبوها".
وشهدت مدينة المنصورة، جريمة بشعة صباح اليوم بعدما قام طالب بكلية الآداب بجامعة المنصورة بطعن زميلته بسكين وذبحها قبل أن يتمكن الأهالي من الإمساك به.