شهدت الحلقة ال 26 من مسلسل "الاختيار 3" والتي تعرض على شاشة (ON E) العديد من الأحداث أبرزها: يطلب ماركو من ماهر (محمد علي رزق) عدة مهام منها البقاء في القاهرة قبل يوم 30 يونيو. يتلقى عدد من شباب تمرد تهديدات من شباب الإخوان ومؤيدي مرسي. في مكتب الإرشاد يجتمع قيادات الجماعة ويقول المرشد محمد بديع (عبدالعزيز مخيون): الدعوة لمظاهرات 30 يونيو وحدت قوى المعارضة على قلب راجل واحد والأمر بيشكل خطورة حقيقية، والشباب دول قدروا يحشدوا عدد كبير من الناس غير إن الاعلام بيشحن في الناس. خيرت الشاطر (خالد الصاوي): لازم الناس تفهم إن المظاهرات دي تشكل خطرعلى الإسلام برمته وليس على الإخوان فقط ، ولازم يوصلهم رسالة إننا بنملك القوة. في قصر الاتحادية يلتقي الرئيس محمد مرسي (صبري فواز)، مع وزير الدفاع الفريق عبدالفتاح السيسي (ياسر جلال) ويبدي الفريق اعتراضه على تدخل مرسي في الشأن السوري. السيسي: فخامة الرئيس أنا برفض أي محاولة لتدخل الجيش خارج الدولة، القوات المسلحة بتدافع عن أمن مصر وحدودها، القضية السورية حرب أهلية معمول العمل، والأيام اللي جاية هتثبت خطورة الحرب دي على الدولة السورية، ومصر هتنجو دايما إن شاء الله، الحال ده إذا استمرت على ما هو عليه هندخل في نفق مظلم وحرب بين أبناء الوطن الواحد. ويتابع: يخطئ من يعتقد أن هذه الحالة تهددد الأمن القومي المصري وبناء عليه القوات المسلحة هتدعو الجميع لإيجاد صيغة تفاهم من أجل مصلحة الوطن، يا فخامة الرئيس فاضل أسبوع على 30 يونيو، ولو استمر الوضع كده إحنا هندخل في نفق مظلم، أنا بأكد لحضرتك المبادرة دي لو نجحت هتجنب البلد مخاطر كتير، أنا حبيت أبلغ حضرتك بنفسي وبأكد إن الهدف هو مصلحة الوطن. في مكتب الإرشاد تجتمع القيادات ويقول محمود عزت (مجدي سعيد): قيادات الجيش أدركت إننا هنحول الهجوم على مرسي لهجوم على الإسلام. خيرت: أنا شايف إننا لازم نبعت رسالة للجميع إن الكلام ده مش لينا ده ليهم تقوم قوات المخابرات الحربية بالقبض على أحد المتورطين مع عنصر إرهابي بجمع هواتف لاستخدامها في عمليات إرهابية. يقوم عدد من المنتمين لجماعة الأخوان المسلمين بحرق مقر تمرد. يدخل اللواء عباس كامل (جمال سليمان) لمكتب وزير الدفاع قائلا: سيادتك الريس كلمني وطلب مني تقابل سعد الكتاتني وخيرت الشاطر، تفتكر حضرتك عايزين إيه؟. السيسي: طالما حاجة مش قادر يقولها بنفسه يبقى أكيد فيها شر. عباس: تحب سيادتك الميعاد يبقى بعدين السيسي: لا بعدين ليه، يهمنا نعرف إيه اللي في دماغهم، هنقابلهم في مقر المخابرات الحربية في مقر المخابرات الحربية يحضر الكتاتني والشاطر لمقابلة وزير الدفاع. السيسي: أهلا أهلا ياباشمهندس خيرت: أهلا سيادة الفريق، بالتأكيد يا سيادة الفريق حضرتك مقدر الحالة في البلد كده والوضع غير مريح ومزعج لأن هناك محالاوت مستمرة للاعتداء على الشرعية وإنهاء حكم الإخوان من قبل العلمانيين والمعارضة والملاحدة وشوية العيال التافهين بتوع تمرد خيرت متابعا: كل ده مش مهم بالنسبة لنا إطلاقا كل دول شوية بعوض وصراصير بتجري على الأرض، إحنا قادرين إننا ندوس عليهم ونسحقهم في وقت قصير جدا وإحنا فعلا هنعمل كده، جماعة الإخوان جماعة قوية جدا وتستطيع أن تفرض إرادتها وسيطرتها على الكل ومدعومة من المجتمع الدولي والولايات المتحدة، إحنا أقوياء، وشباب الجماعة على أتم الاستعداد للشهادة، لكن إحنا مش عايزين صدام مع الجيش. أكرر إحنا مش عايزين صدام مع الجيش مع إن البيانات اللي القوات المسلحة بتطلعها، بتشعلل مشاعر الناس أكتر جايز يكون تصوركم يا سيادة الفريق إن جماعة الإخوان غير قادرة على مواجهة الجيش، ده وهم، وهم، جماعة الإخوان عندها الجيش بتاعها. يضيف خيرت: أنا من فترة التقيت بالدكتور محمد الظواهري، وقالي سندافع عن الشرعية في مصر حتى آخر نفس، المجاهدين من أفغانستان ومن باكستان ومن الشيشان وألوف مؤلفة سيتوافدون على أرض مصر بسلاحهم وعتادهم وهم مدربين أحسن تدريب ومقاتلين متمرسين، ده غير كتائب الجماعة المنتشرين على كل شبر في أرض مصر المستعدين للشهادة والمواجهة بكل أسكالها من أجل إقرار الشرعية ونصرة الإسلام السيسي: إنت كده خلصت كل حاجة عايز تقولها. خيرت: الرسالة وصلت. السيسي: طب شوف بقى إنتوا خربتوا البلد خربتوا البلد وضيعتوها أكتر ما كانت ضايعة بأفكاركم السودة ومؤامرتكم، إنت جاي تهدد قائد جيش مصر بشوية إرهابيين، لا الظاهر إنتوا متعرفونيش صحيح، قسمًا بالله اللي هيرفع السلاح في وش الجيش هشيله من فوق وش الأرض، أوعى تفتكر إن الجيش ده اللي بتشوفه في الشارع، لالالا الجيش ده حاجة كبيرة أوي أكبر بكتير من اللي في خيالكم. سعد الكتاتني: اهدا بس حضرتك السيسي: إسمع، إنتوا لو رفعتوا السلاح لن تقوم لكم قائمة ل 50 سنة الكتاتني: من فضلك حضرتك اهدى، ايه المطلوب مننا بالظبط السيسي: عباس هات التقارير بتاعتنا خليهم يشوف عملوا إيه في البلد عباس: حاضر يا فندم الكتاتني: طب إيه بس المطلوب ياسيادة الفريق السيسي: يحصل توافق بين كل القوى السياسية، واعتبروا إن ده تحذير.. الموضوع لازم يتلم وإن متلمش يحصل تغير، لازم تعتذروا للشعب المصري عن الإساءة اللي سببتوهاله، المقابلة انتهت. "الاختيار 3" بطولة: أحمد السقا، كريم عبدالعزيز، أحمد عز، ياسر جلال، خالد الصاوي، عبدالعزيز مخيون، صبري فواز، وعدد من ضيوف الشرف، ومن تأليف هاني سرحان، وإخراج بيتر ميمي.
