قال الرئيس عبدالفتاح السيسي إن إدارة الحكومة لمؤسساتها خلال ال 40 سنة الماضية كانت دون الكفاءة المطلوبة. وقال السيسي، خلال افتتاح مصنع اليوريا ونترات الأمونيا بمنطقة كيما بمحافظة أسوان: اللي فات كان إن المصنع بتاع كيما في أسوان كان غير قادر على التطوير والتحديث. وتابع: القطاع الخاص بيدير إدارة جيدة مفيش فيها خواطر ومفيش تعيين لحد في مصنع ملوش لازمة علشان قريبي أو معرفتي، عايزين إدارة محترمة للمصانع دي ولن يتأتى ذلك إلا لما القطاع الخاص يبقى شريك معانا. وواصل: والله بتكلم في مصلحة أكبر كتير من الشركة، بتكلم في بلد محتاجة تعيش وتكبر، مش مجموعة مواطنين في مصنع يعيشوا ويقبضوا، عايزين المصانع الموجودة دي تكون عبارة عن أداة في الاقتصاد ورفاهية المجتمع، وبقول تاني القطاع الخاص عايز يتفضل اتفضل، وأنا رابع مرة أقول ده، أهلا وسهلا، إحنا محتاجينكم، وأثبتنا في إدارتنا خلال ال 40 سنة اللي فاتوا إننا غير أكفاء في إدارة أي حاجة. ويتفقد الرئيس عبد الفتاح السيسي، اليوم الثلاثاء، مصنع اليوريا ونترات الأمونيا بمنطقة كيما بمحافظة أسوان. كما يتفقد الرئيس محطة سكك حديد أسوان حيث يشهد تدشين الوحدات المتحركة الجديدة بمختلف أنواعها من قاطرات وعربات السكك الحديدية. صرح بذلك السفير بسام راضي المتحدث الرسمى باسم رئاسة الجمهورية.